ആറ്റുകാൽ പൊങ്കാലയ്ക്കായി ഉപയോഗിച്ച ചുടുകല്ല് വീടുകളായി ഉയരും..!

തിരുവനന്തപുരം: ആറ്റുകാൽ പൊങ്കാലയ്ക്കായി ഉപയോഗിച്ച ചുടുകല്ല് അർഹരായവർക്ക് വിതരണം ചെയ്യാൻ ആരംഭിച്ചതായി തിരുവനന്തപുരം മേയർ വി വി രാജേഷ്.

പൊങ്കാലയ്ക്കുശേഷം ബാക്കിവരുന്ന കല്ലുകൾ പാവപ്പെട്ട ആളുകൾക്ക് ഭവനനിർമാണത്തിനായി വിതരണം ചെയ്യുന്ന സിപിഎം മുൻ ഭരണസമിതിയുടെ മാതൃക പിന്തുടരാൻ തീരുമാനിച്ചതായി മേയർ നേരത്തെ അറിയിച്ചിരുന്നു. 

ജനങ്ങൾക്ക് പ്രയോജനപ്പെടുന്നുവെങ്കിൽ അതിന് തടസം നിൽക്കേണ്ടെന്ന് കരുതിയാണ് പദ്ധതി പിന്തുടരുന്നതെന്നും മേയർ വ്യക്തമാക്കിയിരുന്നു. ചുടുകല്ല് വിതരണം ആരംഭിച്ചതായി സമൂഹമാദ്ധ്യമത്തിലൂടെയാണ് മേയർ അറിയിച്ചത്.