കായംകുളം മണ്ഡലത്തിലെ എല്ഡിഎഫ് സ്ഥാനാര്ഥി യു. പ്രതിഭയ്ക്ക് എതിരായ മുസ്ലീം ലീഗ് നേതാവിന്റെ സ്ത്രീ വിരുദ്ധ പരാമര്ശത്തില് തെരഞ്ഞെടുപ്പ് കമ്മീഷന് ഇടപെടുന്നു.
യുഡിഎഫ് തെരഞ്ഞെടുപ്പ് കണ്വെന്ഷനില് യുഡിഎഫ് കണ്വീനറും മുസ്ലിംലീഗ് നേതാവുമായ ഇര്ഷാദ് നടത്തിയ പരാമര്ശം സംബന്ധിച്ച വിഷയം കമ്മീഷന് സ്വമേധയാ പരിശോധിച്ച് വരികയാണെന്ന് മുഖ്യ തെരഞ്ഞെടുപ്പ് ഓഫീസര് മാധ്യമങ്ങളോട് പ്രതികരിച്ചു.
പരാമര്ശം നടന്ന കണ്വെന്ഷനിലെ വിഡിയോ പരിശോധിക്കും. പുറത്തുവന്ന പരാമര്ശങ്ങള്ക്ക് പുറമെ മറ്റ് പ്രതികരങ്ങള് ഉണ്ടായിട്ടുണ്ടോ എന്നും പരിശോധിക്കുമെന്നും മുഖ്യ തെരഞ്ഞെടുപ്പ് ഓഫീസര് അറിയിച്ചു.
വിഷയത്തില് തെരഞ്ഞെടുപ്പ് കമ്മീഷനും പൊലീസിലും ഇന്ന് പരാതി നല്കും. സ്ത്രീത്വത്തെ അപമാനിച്ചെന്ന പരാതി വരണാധികാരിക്കും കൈമാറും
. പരാമര്ശത്തില് മഹിള അസോസിയേഷന് കേന്ദ്ര തെരഞ്ഞെടുപ്പ് കമ്മിഷന് പരാതി നല്കിയിരുന്നു. എ ഇര്ഷാദിനെതിരെയാണ് നടപടി ആവശ്യപ്പെട്ട് പികെ ശ്രീമതിയാണ് പരാതി നല്കിയിരിക്കുന്നത്. വീഡിയോ അടക്കം പങ്കുവെച്ചാണ് പരാതി നല്കിയത്.
അതേസമയം, വിവാദ പരാമര്ശം നടത്തിയ ലീഗ് നേതാവ് എ ഇര്ഷാദിനെതിരെ അച്ചടക്ക നടപടി സ്വീകരിച്ച് വിഷയത്തില് പ്രതിരോധം തീര്ക്കാനാണ് യുഡിഎഫ് നീക്കം.
വിവാദങ്ങള്ക്ക് പിന്നാലെ മുസ്ലിംലീഗിന്റെ പ്രാഥമിക അംഗത്വത്തില് നിന്നും എ ഇര്ഷാദിനെ സസ്പെന്ഡ് ചെയ്തിരുന്നു. യുഡിഎഫ് കായംകുളം കണ്വീനര് സ്ഥാനത്തു നിന്ന് നീക്കുകയും ചെയ്തിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.