കൊച്ചി: കാമുകനില് പിറന്ന കുട്ടിയുടെ ജനന സര്ട്ടിഫിക്കറ്റിലെ പിതാവിന്റെ പേര് മാറ്റാന് ആവശ്യപ്പെട്ട യുവതിയുടെ ഹര്ജി ഹൈക്കോടതി അംഗീകരിച്ചു.
തൃശ്ശൂര് സ്വദേശിയായ യുവതിയും രണ്ടാം ഭര്ത്താവുമായിരുന്നു ഹര്ജിക്കാര്. ആദ്യ വിവാഹ ബന്ധം നിലനില്ക്കെയാണ് കാമുകനുമായി ബന്ധപ്പെട്ടതും 2017ല് കുട്ടി ജനിച്ചതും. കുട്ടിയുടെ ജനന സര്ട്ടിഫിക്കറ്റില് ആദ്യ ഭര്ത്താവിന്റെ പേരായിരുന്നു പിതാവിന്റെ സ്ഥാനത്ത് രേഖപ്പെടുത്തിയത്. എന്നാല് 2023ല് ഉഭയസമ്മത പ്രകാരം ഇരുവരും വിവാഹ മോചിതരായി. തുടര്ന്ന് യുവതി കാമുകനെ വിവാഹം കഴിച്ചു.
ആറ് വര്ഷത്തോളം തന്റെ കുട്ടിയാണെന്ന് കരുതിയെങ്കിലും കുഞ്ഞിന്റെ ജനന സര്ട്ടിഫിക്കറ്റില് നിന്ന് പേര് മാറ്റാന് എതിര്പ്പില്ലെന്ന് ആദ്യ ഭര്ത്താവും അറിയിച്ചു. ആദ്യ ഭര്ത്താവിന്റെ മാന്യമായ സമീപനവും കുട്ടിയുടെ ഭാവിയും കരുതിയാണ് പേരില് മാറ്റം വരുത്താന് അനുമതി നല്കുന്നതെന്ന് കോടതി വ്യക്തമാക്കി.
ആദര്ശവും ആത്മാഭിമാനവും സ്ത്രീയുടെ മാത്രമല്ല, പുരുഷനുടേയും അവകാശമാണ്. ദാമ്പത്യ വിശ്വാസ്യതക്ക് വലിയ സാമൂഹിക മൂല്യമുണ്ട്, എന്നാല് ഇത്തരം സംഭവങ്ങള് പുരുഷന്റെ പൗരുഷത്വത്തെയും അന്തസ്സിനെയും പരിഹസിക്കുന്നതാണെന്നും കോടതി നിരീക്ഷിച്ചു.
സർട്ടിഫിക്കറ്റില് നിന്നും പിതാവിന്റെ പേര് മാറ്റുന്നതിന് ഡിഎന്എ പരിശോധനയോ കോടതിയുടെ അനുവാദമോ ആവശ്യമാണ്. യുവതിയുടെ ആദ്യ ഭര്ത്താവ്, കുഞ്ഞ് തന്റേതാണെന്ന് കരുതിയിരുന്നുവെങ്കിലും, ജനന സര്ട്ടിഫിക്കറ്റില് പിതാവിന്റെ പേര് മാറ്റാന് എതിര്പ്പില്ലെന്ന് പ്രഖ്യാപിച്ചതോടെ കോടതിയും അനുമതി നല്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.