ഏഴ് സഭകളുടെ സംഗമം ‘നസ്രാണി സമുദായ ഐക്യയോഗം’ പാലാ ബിഷപ്സ് ഹൗസിൽ

പാലാ: മാർ തോമാ ശ്ലീഹായുടെ പൈതൃകവും ഈശോയുടെ അറമായിക് – സുറിയാനി പാരമ്പര്യവും കാത്തുസൂക്ഷിക്കുന്ന ഏഴ് സഭകളുടെ സംഗമം, ‘നസ്രാണി സമുദായ ഐക്യയോഗം’ പാലാ ബിഷപ്സ് ഹൗസിൽ വെച്ച് വിജയകരമായി നടന്നു.

ഇന്ന് ഉച്ചകഴിഞ്ഞ് 2 മണിക്കാണ് വിവിധ സഭാ തലവന്മാരുടെ സാന്നിധ്യത്തിൽ യോഗം ചേർന്നത്.മലങ്കര ഓർത്തഡോക്സ് സഭാ തലവൻ പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാ ബാവാ, മലങ്കര കത്തോലിക്കാ സഭയുടെ തലവൻ കർദ്ദിനാൾ മാർ ബസേലിയോസ് ക്ലീമീസ് കാതോലിക്കാ ബാവാ എന്നിവർ യോഗത്തിൽ മുഖ്യാതിഥികളായിരുന്നു.