എടപ്പാൾ: സ്പെയിൻ ഫാൻസ് കേരള (Spain Fans Kerala) തവനൂർ സർക്കാർ വൃദ്ധസദനത്തിലെ അന്തേവാസികൾക്കായി ഇഫ്താർ വിരുന്നും കലാസന്ധ്യയും സംഘടിപ്പിച്ചു. സംഘടനയുടെ ആറാമത് ചാരിറ്റി പദ്ധതിയുടെ ഭാഗമായാണ് ഈ സ്നേഹസംഗമം ഒരുക്കിയത്. റിട്ടയേർഡ് ഡെപ്യൂട്ടി കളക്ടർ പി.പി.എം. അഷ്റഫ്, പ്രശസ്ത കലാകാരൻ കലാഭവൻ ദിപിൻ എന്നിവർ ചടങ്ങിൽ മുഖ്യാതിഥികളായി പങ്കെടുത്തു.
നോമ്പുതുറയ്ക്ക് ശേഷം നടന്ന സാംസ്കാരിക സമ്മേളനത്തിൽ വിശിഷ്ട വ്യക്തികളെ ആദരിച്ചു. തുടർന്ന് അന്തേവാസികൾക്കായി കലാഭവൻ ദിപിന്റെ നേതൃത്വത്തിൽ മിമിക്രിയും മറ്റു കലാപരിപാടികളും അരങ്ങേറി. ആഘോഷങ്ങളുടെ ഭാഗമായി വൃദ്ധസദനത്തിലെ അന്തേവാസികൾക്ക് പെരുന്നാൾ വസ്ത്രങ്ങളും, ആരോഗ്യപരിചരണത്തിനായി നെബുലൈസറുകളും സ്പെയിൻ ആരാധകർ വിതരണം ചെയ്തു.
ഫുട്ബോൾ ആവേശത്തോടൊപ്പം സാമൂഹിക പ്രതിബദ്ധതയും ഉയർത്തിപ്പിടിക്കുന്ന സ്പെയിൻ ഫാൻസ് അംഗങ്ങൾ ചടങ്ങിൽ സംസാരിച്ചു. വരും നാളുകളിലും സമാനമായ ജീവകാരുണ്യ പ്രവർത്തനങ്ങൾ തുടരുമെന്ന് ഭാരവാഹികൾ അറിയിച്ചു. നന്ദി പ്രകാശനത്തോടെ ചടങ്ങുകൾ സമാപിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.