എടപ്പാൾ: അവിഭക്ത തവനൂർ പഞ്ചായത്തിലെ കർഷക തൊഴിലാളികളെ സംഘടിപ്പിക്കുന്നതിലും ഇടതുപക്ഷ പ്രസ്ഥാനത്തെ ശക്തിപ്പെടുത്തുന്നതിലും നിസ്തുലമായ പങ്ക് വഹിച്ച മുതിർന്ന നേതാവ് ടി.പി. കുട്ടന്റെ ഒന്നാം ചരമവാർഷികം വിപുലമായ പരിപാടികളോടെ ആചരിച്ചു. സി.പി.ഐ.എം. കാലടി ലോക്കൽ കമ്മിറ്റിയുടെ ആഭിമുഖ്യത്തിൽ കുണ്ടയാറിൽ നടന്ന അനുസ്മരണ സമ്മേളനം സി.പി.ഐ.എം. സംസ്ഥാന കമ്മിറ്റിയംഗം വി.പി. സാനു ഉദ്ഘാടനം ചെയ്തു.
ദീർഘകാലം സി.പി.ഐ.എം. എടപ്പാൾ ഏരിയ കമ്മിറ്റി അംഗമായിരുന്ന ടി.പി. കുട്ടൻ, കെ.എസ്.കെ.ടി.യു. ഏരിയ സെക്രട്ടറി, കാലടി ലോക്കൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. സഹകരണ മേഖലയിലും സജീവമായിരുന്ന അദ്ദേഹം തവനൂർ സർവീസ് സഹകരണ ബാങ്ക്, പൊന്നാനി കാർഷിക വികസന ബാങ്ക് എന്നിവയുടെ ഡയറക്ടറായും കാലടി സർവീസ് സഹകരണ ബാങ്ക് വൈസ് പ്രസിഡന്റായും സേവനമനുഷ്ഠിച്ചിട്ടുണ്ട്.
ഇ. രാജഗോപാൽ അധ്യക്ഷത വഹിച്ച ചടങ്ങിൽ സി.പി.ഐ.എം. ജില്ലാ കമ്മിറ്റിയംഗം പി. ജ്യോതിഭാസ്, കെ.ടി. ജലീൽ എം.എൽ.എ., ഇ.വി. മോഹനൻ, എ. സിദ്ധീഖ്, പി. മുരളിധരൻ, എൻ.വി. സലാം, പി.കെ. ശ്രീധരൻ, എം. ജയശ്രീ എന്നിവർ സംസാരിച്ചു. സി.പി.ഐ.എം. കാലടി ലോക്കൽ സെക്രട്ടറി മധു നരിപ്പറമ്പ് സ്വാഗതവും ബിജു കുണ്ടയാർ നന്ദിയും രേഖപ്പെടുത്തി. നാടിന്റെ സാമൂഹിക-രാഷ്ട്രീയ മണ്ഡലങ്ങളിൽ ടി.പി. കുട്ടൻ നൽകിയ സംഭാവനകളെ നേതാക്കൾ അനുസ്മരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.