ആലംകോട്: ആലംകോട് പഞ്ചായത്തിലെ ഇരുപതാം വാർഡിൽ പെരുമുക്ക് കാരെക്കാട്ട് ക്ഷേത്രത്തിന് സമീപമുള്ള നെൽവയലിൽ തണ്ണീർത്തട നിയമം ലംഘിച്ച് സ്വകാര്യ വ്യക്തി കിണർ നിർമ്മിച്ചതായി പരാതി. വർഷങ്ങളായി നെൽകൃഷി നടത്തിവരുന്ന ഭൂമിയിൽ സി.വി. ഇബ്രാഹിം എന്ന വ്യക്തിയാണ് ചട്ടങ്ങൾ മറികടന്ന് നിർമ്മാണം നടത്തിയത്. മഹാത്മാഗാന്ധി ദേശീയ തൊഴിലുറപ്പ് പദ്ധതിയുടെ ഫണ്ട് ഉപയോഗപ്പെടുത്തിയാണ് ഈ അനധികൃത നിർമ്മാണമെന്നും ആരോപണമുണ്ട്.
2008-ലെ കേരള നെൽവയൽ-തണ്ണീർത്തട സംരക്ഷണ നിയമത്തിന്റെ നഗ്നമായ ലംഘനമാണ് ഇവിടെ നടന്നിരിക്കുന്നത്. നിയമവിരുദ്ധമായി നിർമ്മിച്ച കിണറിനായി കൈപ്പറ്റിയ സർക്കാർ ധനം ഗുണഭോക്താവിൽ നിന്ന് തിരിച്ചുപിടിക്കണമെന്ന് പൊതുപ്രവർത്തകനായ ഹക്കീം പെരുമുക്ക് ആവശ്യപ്പെട്ടു.
Allegations of fund misuse and illegal construction have surfaced in Alamcode. Activist Hakeem Perumuck has filed complaints against the unauthorized construction of a well on protected paddy land using MGNREGS funds.#KeralaNews #EnvironmentalProtection #MGNREGS pic.twitter.com/GcTuhlksgq
— Rareshares (@unnikutan77) March 7, 2026
സംഭവവുമായി ബന്ധപ്പെട്ട് കൃഷി പ്രിൻസിപ്പൽ സെക്രട്ടറി, തിരൂർ ആർ.ഡി.ഒ, മലപ്പുറം ജില്ലാ കളക്ടർ, പൊന്നാനി തഹസിൽദാർ, കൃഷി ഓഫീസർ, വില്ലേജ് ഓഫീസർ, തൊഴിലുറപ്പ് പദ്ധതി ജില്ലാ എക്സിക്യൂട്ടീവ് ഓഫീസർ എന്നിവർക്ക് പരാതി നൽകാൻ തീരുമാനിച്ചു. അനധികൃത നിർമ്മാണത്തിനെതിരെ ശക്തമായ നിയമനടപടികളുമായി മുന്നോട്ട് പോകുമെന്നും ഹക്കീം പെരുമുക്ക് വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.