സിനിമാതാരം ഹരി മുരളി വീടിനുള്ളിൽ മരിച്ച നിലയിൽ...!

കണ്ണൂർ : രസികൻ ഉൾപ്പെടെയുള്ള സിനിമകളിൽ ബാലനടനായി അഭിനയിച്ച ഹരി മുരളി അന്തരിച്ചു. 27 വയസ്സായിരുന്നു.

പയ്യന്നൂർ അന്നൂരിലെ വീട്ടിലാണ് തൂങ്ങിമരിച്ച നിലയിൽ കണ്ടെത്തിയത്. കൊച്ചിയിൽ  വിഎഫ്എക്സ് ആർട്ടിസ്റ്റായി ജോലി ചെയ്യുകയായിരുന്നു. നാടക- സിനിമ നടൻ കെ. യു മുരളിയുടെയും പ്രസന്നയുടെയും മകനാണ്.

രസികൻ, അണ്ണൻ തമ്പി , മാടമ്പി, ഡോൺ, പട്ടണത്തിൽ ഭൂതം തുടങ്ങി പത്തോളം സിനിമകളിൽ ഹരി മുരളി ബാലതാരമായി അഭിനയിച്ചിട്ടുണ്ട്.

സീരിയലുകളിലും അഭിനയിച്ചിരുന്നു.സഹോദരൻ ശ്രീമുരളി. മൃതദേഹം പയ്യന്നൂരിലെ സ്വകാര്യ ആശുപത്രിയിലേക്കു മാറ്റി.