എസ്.ഐ.യെ വാഹനമിടിപ്പിച്ചു വീഴ്ത്തി കടന്നുകളഞ്ഞതായി പരാതി

ചേലക്കര: വാഹന പരിശോധനയ്ക്കിടെ എസ്.ഐ.യെ സ്കൂട്ടർകൊണ്ട് ഇടിച്ചിട്ടു. ചേലക്കര പോലീസ് എസ്.ഐ. ജോളി സെബാസ്റ്റ്യനാണ് പരിക്കേറ്റത്.

കാലുകൾക്ക് പരിക്കേറ്റ എസ്.ഐ. ആശുപത്രിയിൽ ചികിത്സ തേടി. ഞായറാഴ്ചയാണ് സംഭവം.വെങ്ങാനെല്ലൂർ സെൻററിൽ വാഹന പരിശോധനയ്ക്കിടെ സ്കൂട്ടറിൽ എത്തിയ യുവാവിനെ തടഞ്ഞു. പെരുമാറ്റത്തിൽ അസ്വാഭാവികത തോന്നി കൂടുതൽ ചോദ്യംചെയ്യുന്നതിനിടെ എസ്.ഐ.യെ ഇടിച്ചിട്ട് നിർത്താതെ പോവുകയായിരുന്നു. 

നിലത്തുവീണ എസ്.ഐ.യുടെ ഒരു കാലിനും ചെറുതായി പരിക്കേറ്റു. യുവാവ് ലഹരി ഉപയോഗിച്ചിരുന്നതായോ ലഹരി കൈവശം വെച്ചതായോ പോലീസ് സംശയിക്കുന്നു. പ്രദേശത്തെ സി.സി.ടി.വി. ക്യാമറകൾ കേന്ദ്രീകരിച്ച് പോലീസ് അന്വേഷണം ആരംഭിച്ചു.