സഞ്ചാരികളുടെ പ്രിയപ്പെട്ട കേന്ദ്രമായ ഗോവയിലേക്ക് കുറഞ്ഞ ചെലവിൽ യാത്രയൊരുക്കി കെഎസ്ആർടിസി ബജറ്റ് ടൂറിസം സെൽ. ഏപ്രിൽ ആദ്യവാരം മുതൽ ആരംഭിക്കുന്ന ഈ പാക്കേജിൽ മൂന്ന് രാത്രിയും രണ്ട് പകലും നീളുന്ന ആവേശകരമായ യാത്രയാണ് ഒരുക്കിയിരിക്കുന്നത്.
സുരക്ഷയ്ക്ക് മുൻഗണന നൽകിക്കൊണ്ട് 1 മുതൽ 80 വയസ്സുവരെയുള്ള യാത്രക്കാർക്ക് 10 ലക്ഷം രൂപയുടെ ട്രാവൽ ഇൻഷുറൻസ് കവറേജും കെഎസ്ആർടിസി വാഗ്ദാനം ചെയ്യുന്നുണ്ട്.
കേരളത്തിലെ വിവിധ ഡിപ്പോകളിൽ നിന്ന് കാസർഗോഡ് വരെ സാധാരണ ബസിലും, അവിടെ നിന്ന് ഗോവയിലേക്ക് അത്യാധുനിക ആഡംബര എസി ബസിലുമായിരിക്കും യാത്ര.
കാസർഗോഡ് മുതൽ ഗോവ വരെയും തിരികെയും ഉള്ള ഭക്ഷണച്ചിലവ് പാക്കേജിൽ ഉൾപ്പെടുത്തിയിട്ടുണ്ട് എന്നത് സഞ്ചാരികൾക്ക് വലിയ ആശ്വാസമാണ്.
ഗോവയിലെ മനോഹരമായ ബീച്ചുകൾ, നൈറ്റ് ലൈഫ് എന്നിവ ആസ്വദിക്കുന്നതിനൊപ്പം മികച്ച ഹോട്ടലുകളിലെ താമസസൗകര്യവും ഈ പാക്കേജിന്റെ ഭാഗമാണ്. ഗോവയ്ക്ക് പുറമെ ഊട്ടി, കൊടൈക്കനാൽ, രാമേശ്വരം തുടങ്ങിയ ടൂറിസ്റ്റ് കേന്ദ്രങ്ങളിലേക്കും പുതിയ എസി ബസുകൾ ഉപയോഗിച്ച് ഉടൻ സർവീസുകൾ ആരംഭിക്കും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.