തിരുവനന്തപുരം: നിയമസഭാ തിരഞ്ഞെടുപ്പിനോടനുബന്ധിച്ച് ദൂരദർശൻ സംപ്രേഷണം ചെയ്യാനിരുന്ന സി.പി.ഐ. സംസ്ഥാന സെക്രട്ടറി ബിനോയ് വിശ്വത്തിന്റെ പ്രസംഗത്തിലെ കേന്ദ്രവിരുദ്ധ പരാമർശങ്ങൾ അധികൃതർ വെട്ടിമാറ്റി.
ബി.ജെ.പി.യുടെ വിഭജന രാഷ്ട്രീയത്തെയും ന്യൂനപക്ഷങ്ങൾക്കെതിരായ കടന്നാക്രമണങ്ങളെയും വിമർശിക്കുന്ന രണ്ട് പാരഗ്രാഫുകളാണ് ദൂരദർശൻ സമിതി നീക്കം ചെയ്തത്. ഇതിൽ പ്രതിഷേധിച്ച് ബിനോയ് വിശ്വം പ്രസംഗത്തിന്റെ റെക്കോഡിങ് ബഹിഷ്കരിക്കുകയും ദൂരദർശനെ സർക്കാർ ‘ഹിസ് മാസ്റ്റേഴ്സ് വോയ്സ്’ ആക്കി മാറ്റുകയാണെന്ന് കുറ്റപ്പെടുത്തുകയും ചെയ്തു.
ജനാധിപത്യ വിരുദ്ധമായ ഈ സെൻസറിങ്ങിനെതിരെ പ്രസാർ ഭാരതിക്ക് പരാതി നൽകാനാണ് സി.പി.ഐ.യുടെ തീരുമാനം. അംഗീകൃത രാഷ്ട്രീയ പാർട്ടികൾക്ക് അനുവദിച്ച സമയത്ത് പാർട്ടിയുടെ നിലപാടുകൾ പറയാൻ അനുവദിക്കാത്തത് അപലപനീയമാണെന്ന് അദ്ദേഹം വ്യക്തമാക്കി.
അതേസമയം, ബിനോയ് വിശ്വത്തിന്റെ പരാതി ലഭിച്ചാൽ ഇക്കാര്യം ഗൗരവമായി പരിശോധിക്കുമെന്ന് മുഖ്യ തിരഞ്ഞെടുപ്പ് ഉദ്യോഗസ്ഥൻ രത്തൻ യു. കേൽക്കർ അറിയിച്ചിട്ടുണ്ട്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.