ബിഎഫ്എ പരീക്ഷയിൽ തോറ്റ വിദ്യാർഥിക്ക് എംഎഫ്എക്കു പ്രവേശനം; കാലടി സർവകലാശാല വൈസ് ചാൻസലറെ മാറ്റി ; ഡോ.സിസാ തോമസിന് പകരം ചുമതല

തിരുവനന്തപുരം: കാലടി സർവകലാശാല വൈസ് ചാൻസലർ സ്ഥാനത്തു നിന്നു ഡോ. കെ. കെ. ഗീതാകുമാരിയെ ഗവർണർ രാജേന്ദ്ര അർലേക്കർ നീക്കി. കെടിയു വിസി ഡോ.സിസാ തോമസിനാണ് പകരം ചുമതല. 

ബിഎഫ്എ പരീക്ഷയിൽ തോറ്റ വിദ്യാർഥിക്ക് എംഎഫ്എക്കു പ്രവേശനം നൽകിയ സംഭവത്തിലാണു നടപടി. തോറ്റ വിദ്യാർഥിയെ ജയിപ്പിക്കാനുള്ള സിൻഡിക്കറ്റ് തീരുമാനം തടയാനുള്ള ഗവർണറുടെ ഉത്തരവ് നടപ്പാക്കാൻ വി.സി തയാറായിരുന്നില്ല.