കോഴിക്കോട്: ഗതാഗത വകുപ്പ് മന്ത്രി കെ.ബി. ഗണേഷ് കുമാർ മഹാത്മാഗാന്ധിയെയും ജവഹർലാൽ നെഹ്റുവിനെയും അപമാനിച്ചു എന്നാരോപിച്ച് കെപിസിസി ജനറൽ സെക്രട്ടറി കെ. ഷാജിർ അറാഫത്ത് പോലീസിൽ പരാതി നൽകി.
കോഴിക്കോട് ജില്ലാ പോലീസ് മേധാവിക്ക് നൽകിയ പരാതി നിലവിൽ കൊല്ലം ജില്ലാ പോലീസ് മേധാവിക്ക് കൈമാറിയിരിക്കുകയാണ്.
ഭാര്യ ബിന്ദു മേനോൻ ഉന്നയിച്ച വ്യക്തിപരമായ ആരോപണങ്ങൾക്ക് മറുപടി നൽകുന്നതിനിടെയാണ് വിവാദ പരാമർശങ്ങൾ ഉണ്ടായത്. “തനിക്ക് അയ്യായിരം പ്രണയങ്ങളുണ്ടാകാം, ഗാന്ധിക്കും നെഹ്റുവിനും പ്രണയങ്ങൾ ഉണ്ടായിരുന്നില്ലേ” എന്ന ഗണേഷ് കുമാറിന്റെ ചോദ്യം ഗാന്ധിജിയെ പൊതുജനങ്ങൾക്കിടയിൽ വെറുപ്പുളവാക്കുന്ന രീതിയിൽ ചിത്രീകരിക്കുന്നതാണെന്ന് പരാതിയിൽ പറയുന്നു.
മന്ത്രിയെ അനാവശ്യ സാഹചര്യത്തിൽ കണ്ടുവെന്ന ബിന്ദു മേനോന്റെ ആരോപണവും തുടർന്നുണ്ടായ രാഷ്ട്രീയ വിവാദങ്ങളും വലിയ ചർച്ചയായിരുന്നു. എന്നാൽ പിന്നീട് ഗണേഷ് കുമാർ മാപ്പ് പറഞ്ഞതായും പ്രശ്നങ്ങൾ ഒത്തുതീർപ്പാക്കിയതായും ബിന്ദു മേനോൻ വ്യക്തമാക്കിയിരുന്നു. എങ്കിലും ദേശീയ നേതാക്കളെ അനാവശ്യമായി വിവാദങ്ങളിലേക്ക് വലിച്ചിഴച്ചതിനെതിരെ ശക്തമായ നിലപാടുമായി മുന്നോട്ട് പോകാനാണ് കോൺഗ്രസിന്റെ തീരുമാനം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.