ന്യൂഡല്ഹി: മൂന്നാഴ്ച പിന്നിടുന്ന പശ്ചിമേഷ്യന് സംഘര്ഷങ്ങളില് ഇതുവരെ ആറ് ഇന്ത്യക്കാര് മരിച്ചതായി വിദേശകാര്യ മന്ത്രാലയം.
സൗദി അറേബ്യന് തലസ്ഥാനമായ റിയാദില് ഉണ്ടായ ഡ്രോണ് - മിസൈല് ആക്രമണത്തില് കൊല്ലപ്പെട്ട ഒരാള് ഉള്പ്പെടെ വിവിധ രാജ്യങ്ങളിലായി മരിച്ചവരുടെ കണക്കുകളാണ് വിദേശകാര്യ മന്ത്രാലയം പങ്കുവച്ചത്.സംഘര്ഷം ബാധിച്ചിട്ടുള്ള ഗള്ഫ്, പശ്ചിമേഷ്യന് മേഖലയില് ഏകദേശം ഒരു കോടിയിലധികം ഇന്ത്യക്കാരുണ്ട്. ഇവരുടെ സുരക്ഷ ഉറപ്പാക്കാന് വേണ്ട നടപടികള് സ്വീകരിച്ച് വരികയാണെന്നും സര്ക്കാര് വൃത്തങ്ങള് അറിയിച്ചു
ബുധനാഴ്ച റിയാദിന് നേരെ നടന്ന ആക്രമണത്തിലാണ് ഇന്ത്യക്കാരന് കൊല്ലപ്പെട്ടത്. സൗദിയില് സംഘര്ഷത്തിനിടെ കൊല്ലപ്പെടുന്ന ആദ്യ വ്യക്തിയാണ് ഇത്. ഒമാനിലെ വ്യാവസായിക മേഖലയില് നടന്ന ആക്രമണത്തില് രണ്ട് ഇന്ത്യന് പൗരന്മാര്ക്ക് ജീവന് നഷ്ടമായി
. സംഘര്ഷം രൂക്ഷമായ ദിവസങ്ങളില് മേഖലയ്ക്ക് സമീപത്ത് ചരക്ക് കപ്പലുകള് ആക്രമിക്കപ്പെട്ട സംഭവങ്ങളില് മൂന്ന് പേരും കൊല്ലപ്പെട്ടിട്ടുണ്ട്. ഒരാളെ കാണാതയായതായും വിദേശകാര്യ മന്ത്രാലയം സെക്രട്ടറി ( ഗള്ഫ്) അസീം മഹാജന് അറിയിച്ചു.
അതിനിടെ, സംഘര്ഷങ്ങളെ തുടര്ന്ന് തകരാറിലായ ഗള്ഫ് മേഖലയില് നിന്നുള്ള യാത്രാ പ്രശ്നങ്ങള് പരിഹരിച്ച് വരികയാണെന്നും അധികൃതര് അറിയിച്ചു. സാഹചര്യങ്ങള് ക്രമേണ മെച്ചപ്പെട്ടു വരികയാണ്. നിരവധി പേര് ഇന്ത്യയിലേക്ക് മടങ്ങുന്നുണ്ടെന്നും വിദേശകാര്യ മന്ത്രാലയം സെക്രട്ടറി കൂട്ടിച്ചേര്ത്തു.പശ്ചിമേഷ്യന് മേഖലയില് നിന്ന് കൂടുതല് വിമാന സര്വീസുകള് ആരംഭിച്ചിട്ടുണ്ട്. ഫെബ്രുവരി 28 മുതല് ഏകദേശം 300,000 യാത്രക്കാര് മേഖലയില് നിന്ന് ഇന്ത്യയിലേക്ക് മടങ്ങിതായും വിദേശകാര്യ മന്ത്രാലയവുമായി ബന്ധപ്പെട്ടവര് പറയുന്നു.'







.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.