ജമ്മുകശ്മീരില്‍ അപ്രതീക്ഷിത ഹിമപാതം: 6 മരണം, 5 പേര്‍ക്ക് പരിക്ക്, മഞ്ഞ് വീഴ്ചയിൽ നിരവധി വാഹനങ്ങൾ കുടുങ്ങി,

ന്യൂഡൽഹി: ജമ്മുകശ്മീരിലെ സോജില പാസിന് സമീപം ഹിമപാതത്തില്‍ 6 മരണം. അപകടത്തില്‍ അഞ്ച് പേർക്ക് പരിക്കേറ്റു. കനത്ത മഞ്ഞു വീഴ്ച്ചയില്‍ പ്രദേശത്ത് നിരവധി വാഹനങ്ങളാണ് കുടുങ്ങി കിടക്കുന്നത്.

സംസ്ഥാന ദുരന്തനിവാരണ സേനയും ഗന്ദർബാല്‍ പൊലീസും ചേർന്നാണ് രക്ഷാപ്രവർത്തനം നടത്തിയത്. കനത്ത മഞ്ഞും മോശം കാലാവസ്ഥയും രക്ഷാപ്രവർത്തനത്തിന് വെല്ലുവിളി ഉയർത്തിയതാണ് മരണ സംഖ്യ ഉയരാൻ കാരണം.

ജമ്മു കശ്മീരിലെ ശ്രീനഗറില്‍ നിന്ന് കാർഗിലിലേക്ക് പോവുകയായിരുന്ന വാഹനങ്ങളാണ് അപകടത്തില്‍പ്പെട്ടത്. അപ്രതീക്ഷിതമായി ഈ മേഖലയില്‍ ഹിമപാതം ഉണ്ടാക്കുകയായിരുന്നു. കാര്‍ഗില്‍ ജില്ലയിലാണ് സോജിലാ പാസ് സ്ഥിതി ചെയ്യുന്നത്.