പാലാ: ലോക കാൻസർ ദിനാചരണത്തിന്റെ ഭാഗമായി രാമപുരം മാർ അഗസ്തിനോസ് കോളജും മാർ സ്ലീവാ മെഡിസിറ്റിയും സംയുക്തമായി സംഘടിപ്പിച്ച കാൻസർ ബോധവൽക്കരണ വാക്കത്തോൺ ആവേശകരമായ സൂംബാ നൃത്തത്തോടെ ആരംഭിച്ചു. വാക്കത്തോണിന് മുന്നോടിയായി നടത്തിയ വാംഅപ്പ് സൂംബാ പരിപാടി പങ്കെടുത്തവർക്ക് ഊർജവും ഉത്സാഹവും പകർന്നു.
കോളജിലെ വിദ്യാർത്ഥികളും അധ്യാപകരും മാർ സ്ലീവാ മെഡിസിറ്റിയിലെ സ്റ്റാഫ് അംഗങ്ങളും ഉൾപ്പെടെ ഏകദേശം 500 പേർ പരിപാടിയിൽ പങ്കെടുത്തു. കാൻസർ നേരത്തെ കണ്ടെത്തുന്നതിന്റെയും ആരോഗ്യകരമായ ജീവിതശൈലിയുടെ പ്രാധാന്യത്തിന്റെയും സന്ദേശം സമൂഹത്തിലേക്ക് വ്യാപകമായി എത്തിക്കുകയെന്ന ലക്ഷ്യത്തോടെയാണ് വാക്കത്തോൺ സംഘടിപ്പിച്ചത്.
പാലാ മുനിസിപ്പൽ സ്റ്റേഡിയത്തിന് മുന്നിൽ നിന്ന് ആരംഭിച്ച വാക്കത്തോൺ നഗരത്തിലെ പ്രധാന കേന്ദ്രങ്ങൾ കടന്ന് മാർ സ്ലീവാ മെഡിസിറ്റിയിൽ സമാപിച്ചു. വഴിയൊരുക്കി പൊതുജനങ്ങളുമായി സംവദിച്ചും ബോധവൽക്കരണ സന്ദേശങ്ങൾ കൈമാറിയും മുന്നേറി.
പരിപാടിയുടെ സുരക്ഷിതവും ക്രമബദ്ധവുമായ നടത്തിപ്പിനായി ആവശ്യമായ മെഡിക്കൽ സഹായവും മറ്റ് ക്രമീകരണങ്ങളും ഒരുക്കിയിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.