ഷിംല: എഐ (AI) ഉച്ചകോടിക്കിടെ നടന്ന പ്രതിഷേധവുമായി ബന്ധപ്പെട്ട് ഒളിവിലായിരുന്ന മൂന്ന് പ്രതികളെ ഹിമാചൽ പ്രദേശിലെ ഷിംലയിൽ നിന്ന് ദൽഹി പോലീസ് പിടികൂടി. ഉത്തർപ്രദേശിലെ അമേത്തി സ്വദേശി സൗരഭ് സിങ് (28), സുൽത്താൻപൂർ സ്വദേശി അർബാസ് ഖാൻ (24), മധ്യപ്രദേശ് സ്വദേശി സിദ്ധാർത്ഥ് അവധൂത് (33) എന്നിവരാണ് അറസ്റ്റിലായത്.
ബുധനാഴ്ച രാവിലെ ഷിംലയിൽ നിന്ന് 120 കിലോമീറ്റർ അകലെയുള്ള രോഹ്രുവിലെ ഒരു റിസോർട്ടിൽ വെച്ചാണ് ദൽഹി പോലീസ് ഇവരെ കസ്റ്റഡിയിലെടുത്തത്. പ്രതികൾ ഉപയോഗിച്ചിരുന്ന താർ വാഹനവും പോലീസ് പിടിച്ചെടുത്തിട്ടുണ്ട്.
അറസ്റ്റിനെത്തുടർന്ന് ഹിമാചൽ പ്രദേശ് പോലീസും ദൽഹി പോലീസും തമ്മിൽ മണിക്കൂറുകൾ നീണ്ട നാടകീയമായ തർക്കങ്ങളാണ് അരങ്ങേറിയത്. മുൻകൂട്ടി അറിയിക്കാതെ ഹിമാചൽ അതിർത്തിക്കുള്ളിൽ കടന്ന് പ്രതികളെ പിടികൂടിയ ദൽഹി പോലീസിന്റെ നടപടിയെ പ്രാദേശിക പോലീസ് എതിർത്തു. തുടർന്ന് ഷിംല ഐ.എസ്.ബി.ടി, ഷോഗി, ധരംപൂർ എന്നിവിടങ്ങളിൽ ബാരിക്കേഡുകൾ സ്ഥാപിച്ച് ഹിമാചൽ പോലീസ് ദൽഹി സംഘത്തെ തടഞ്ഞു. വൈകുന്നേരം നാല് മണിയോടെ പ്രതികളെ ഹിമാചൽ പോലീസ് സ്വന്തം കസ്റ്റഡിയിലേക്ക് മാറ്റുകയും ചെയ്തു.
അറസ്റ്റ് നടപടികളിൽ നിയമപരമായ ചട്ടങ്ങൾ പാലിച്ചിട്ടില്ലെന്നും പ്രതികളുടെ വൈദ്യപരിശോധന നടത്തിയിട്ടില്ലെന്നും ആരോപിച്ച് പ്രതിഭാഗം അഭിഭാഷകർ കോടതിയിൽ ട്രാൻസിറ്റ് റിമാൻഡിനെ എതിർത്തു. എന്നാൽ ഇരുവിഭാഗത്തിന്റെയും വാദങ്ങൾ കേട്ട കോടതി, വ്യാഴാഴ്ച പുലർച്ചെ ഒരു മണിയോടെ പ്രതികളെ ദൽഹിയിലേക്ക് കൊണ്ടുപോകാൻ അനുമതി നൽകി. തുടർന്ന് അംബാല സിവിൽ ആശുപത്രിയിൽ വൈദ്യപരിശോധന പൂർത്തിയാക്കിയ സംഘം പ്രതികളുമായി ദൽഹിയിലേക്ക് തിരിച്ചു. വ്യാഴാഴ്ച ഉച്ചയോടെ ഇവരെ ദൽഹിയിലെ കോടതിയിൽ ഹാജരാക്കുമെന്ന് പോലീസ് അറിയിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.