ചാലിശ്ശേരി: പരിശുദ്ധ മോറോൻ മോർ ഇഗ്നാത്തിയോസ് ഏലിയാസ് തൃതീയൻ പാത്രീയർക്കീസ് ബാവയുടെ 94-ാമത് ഓർമ്മപ്പെരുന്നാളിനോടനുബന്ധിച്ച് മഞ്ഞനിക്കര ദയറായിലേക്ക് നടത്തുന്ന പതാക ഘോഷയാത്രയ്ക്ക് ചാലിശ്ശേരിയിൽ ആവേശോജ്ജ്വലമായ സ്വീകരണം നൽകി.
ശനിയാഴ്ച രാവിലെ ചാലിശ്ശേരി സെന്റ് പീറ്റേഴ്സ് ആൻഡ് സെന്റ് പോൾസ് യാക്കോബായ സുറിയാനി പള്ളിയിലായിരുന്നു സ്വീകരണ ചടങ്ങുകൾ നടന്നത്.
മഞ്ഞനിക്കര പാത്രിയർക്ക പതാക ഘോഷയാത്രയ്ക്ക് ചാലിശ്ശേരി യാക്കോബായ സുറിയാനി പള്ളിയിൽ സ്വീകരണം നൽകുന്നു
വയനാട് മീനങ്ങാടി പള്ളിയിൽ നിന്ന് വ്യാഴാഴ്ച പ്രയാണം ആരംഭിച്ച മലബാർ തീർഥയാത്ര സംഘമാണ് ചാലിശ്ശേരിയിലെത്തിയത്. മലബാർ, കോഴിക്കോട് ഭദ്രാസനങ്ങളിലെ വിവിധ പള്ളികളിലെ സ്വീകരണങ്ങൾ ഏറ്റുവാങ്ങിയ ശേഷമാണ് സംഘം തൃശൂർ ഭദ്രാസനത്തിന്റെ പ്രവേശന കവാടമായ ചാലിശ്ശേരിയിൽ പ്രവേശിച്ചത്.
നേതൃത്വം: തീർഥയാത്ര കൺവീനർ പൈലിക്കുഞ്ഞ് വട്ടശേരി, ജോയിന്റ് സെക്രട്ടറി സിജു ജോസ് ആരക്കുന്നം, സംഘം സെക്രട്ടറി സണ്ണി മുളന്തുരുത്തി എന്നിവർ ഘോഷയാത്രയ്ക്ക് നേതൃത്വം നൽകി. കമ്മിറ്റി അംഗങ്ങളായ ബിനു കുഴിവേലി, ജോഷി ആരക്കുന്നം, തോമസ് മുളന്തുരുത്തി, സജി കണ്ടനാട്, ഏലിയാസ് ഞാറക്കാട്ടിൽ, തങ്കച്ചൻ കുന്നംകുളം എന്നിവരും സംഘത്തോടൊപ്പമുണ്ടായിരുന്നു.
സ്വീകരണം: ചാലിശ്ശേരി പള്ളിയിലെത്തിയ തീർഥാടക സംഘത്തെ വികാരി ഫാ. അബ്രഹാം യാക്കോബ് പുവ്വത്തുമണ്ണിൽ, ട്രസ്റ്റി സി. യു. ശലമോൻ, സെക്രട്ടറി ടൈറ്റസ് ഡേവീഡ് എന്നിവർ ചേർന്ന് സ്വീകരിച്ചു. പാലക്കാട്, തൃശൂർ ജില്ലകളിലെ വിവിധ പള്ളികളിലെ പര്യടനത്തിന് ശേഷം ഫെബ്രുവരി 13-ാം തീയതി ഘോഷയാത്ര മഞ്ഞനിക്കരയിൽ എത്തിച്ചേരും.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.