മലപ്പുറം തിരൂർ വൈലത്തൂർ ജംഗ്ഷന് സമീപം എക്സൈസ് സംഘം നടത്തിയ മിന്നൽ പരിശോധനയിൽ വൻ കഞ്ചാവ് ശേഖരം കണ്ടെടുത്തു. നിരവധി ക്രിമിനൽ കേസുകളിൽ പ്രതിയായ പശ്ചിമ ബംഗാൾ സ്വദേശി അലി ഗാസി ആണ് 11.155 കിലോഗ്രാം കഞ്ചാവുമായി പിടിയിലായത്.
തിരൂർ എക്സൈസ് റെയിഞ്ച് ഇൻസ്പെക്ടർ കാർത്തികേയൻ.പി യുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഇയാളുടെ താമസസ്ഥലത്ത് നിന്നും ലഹരിമരുന്ന് പിടികൂടിയത്. അന്തർസംസ്ഥാന ലഹരി മാഫിയയുമായി ഇയാൾക്കുള്ള ബന്ധത്തെക്കുറിച്ച് അന്വേഷണം ഊർജിതമാക്കിയിട്ടുണ്ട്.
.jpg)
ശാസ്താംകോട്ടയിൽ കാപ്പ പ്രതിയുൾപ്പെടെ മൂന്നംഗ സംഘം വലയിൽ
കൊല്ലം ശാസ്താംകോട്ടയിൽ കഞ്ചാവും മെത്താംഫിറ്റമിനുമായി മൂന്ന് യുവാക്കളെ എക്സൈസ് സംഘം അറസ്റ്റ് ചെയ്തു. മുൻ കാപ്പ കേസ് പ്രതിയായ റമീസ്, ഇയാളുടെ കൂട്ടാളികളായ അജ്മൽ ഷാ, ബിലാൽ എന്നിവരാണ് പിടിയിലായത്. ശാസ്താംകോട്ട എക്സൈസ് റേഞ്ച് ഇൻസ്പെക്ടർ അബ്ദുൾ വഹാബിന്റെ നേതൃത്വത്തിൽ നടത്തിയ പരിശോധനയിൽ 5 ഗ്രാമോളം മെത്താംഫിറ്റമിനും 45 ഗ്രാം കഞ്ചാവും ഇവരിൽ നിന്ന് കണ്ടെടുക്കുകയായിരുന്നു.
എക്സൈസ് സംഘത്തിൽ ഉണ്ടായിരുന്നവർ:
പ്രിവന്റീവ് ഓഫീസർമാരായ അനീഷ്.റ്റി.എസ്, സന്തോഷ്, പ്രിവന്റീവ് ഓഫീസർ(ഗ്രേഡ്) വിജു, സിവില് എക്സൈസ് ഓഫീസർമാരായ സുജിത് കുമാർ, നിഷാദ്, വിഷ്ണു, അതുല്, ജിയോ, വനിത സിവില് എക്സൈസ് ഓഫീസർ ഷിബി എന്നിവർ സംഘത്തിൽ ഉണ്ടായിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.