കാനഡ :പി.ആർ. അപേക്ഷകർ ജാഗ്രതൈ: കുടുംബാംഗങ്ങളുടെ വിവരം മറച്ചുവെച്ചാൽ പണികിട്ടും!ട്ടാവ: കാനഡയിൽ സ്ഥിരതാമസത്തിന് (Permanent Residence) അപേക്ഷിക്കുന്നവർ കുടുംബാംഗങ്ങളുടെ വിവരങ്ങൾ നൽകുന്നതിൽ അതീവ ജാഗ്രത പാലിക്കണമെന്ന് മുന്നറിയിപ്പ്.
കാനഡ ഇമിഗ്രേഷൻ നിയമപ്രകാരം പങ്കാളി, 22 വയസ്സിന് താഴെയുള്ള അവിവാഹിതരായ മക്കൾ, പങ്കാളിയുടെ മുൻബന്ധത്തിലുള്ള മക്കൾ എന്നിവരെല്ലാം ആശ്രിതരുടെ പട്ടികയിൽ വരും. ഇവർ കൂടെ വരുന്നില്ലെങ്കിൽ പോലും എല്ലാവർക്കും ഇമിഗ്രേഷൻ മെഡിക്കൽ പരിശോധന നിർബന്ധമാണ്. കുടുംബത്തെ മുഴുവനായി ഒരു യൂണിറ്റായി പരിഗണിച്ചാണ് കാനഡ ആരോഗ്യപരമായ യോഗ്യത നിശ്ചയിക്കുന്നത്. 2025 ഓഗസ്റ്റ് മുതൽ എക്സ്പ്രസ് എൻട്രി അപേക്ഷകർ കുടുംബാംഗങ്ങളുടെ മെഡിക്കൽ ഫലം മുൻകൂട്ടി തന്നെ സമർപ്പിക്കേണ്ടതുണ്ട്.
കൂടുതൽ പോയിന്റുകൾ ലഭിക്കാനായി പങ്കാളി കൂടെ വരുന്നില്ലെന്ന് (Non-accompanying) അപേക്ഷയിൽ തെറ്റായി രേഖപ്പെടുത്തുന്നത് ഗുരുതരമായ കുറ്റമാണ്. ജോലി സംബന്ധമായോ മറ്റ് അടിയന്തര സാഹചര്യങ്ങൾ മൂലമോ അല്ലാതെ ഇത്തരത്തിൽ വിവരം നൽകുന്നത് ‘മിസ്റപ്രസന്റേഷൻ’ ആയി കണക്കാക്കും.
ഇത് പി.ആർ അപേക്ഷ നിരസിക്കപ്പെടുന്നതിനും അഞ്ച് വർഷം വരെ കാനഡയിലേക്ക് പ്രവേശന വിലക്ക് ലഭിക്കുന്നതിനും കാരണമാകും. അതിനാൽ അപേക്ഷാ ഫോം പൂരിപ്പിക്കുമ്പോൾ സത്യസന്ധമായ വിവരങ്ങൾ മാത്രം നൽകാൻ അപേക്ഷകർ പ്രത്യേകം ശ്രദ്ധിക്കണം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.