തിരുവനന്തപുരം: ബെംഗളൂരു സ്വദേശിനിയെ പീഡിപ്പിച്ചെന്ന രണ്ടാം ബലാത്സംഗക്കേസില് രാഹുല് മാങ്കൂട്ടത്തില് എംഎല്എയ്ക്ക് അനുവദിച്ച മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന് തിരുവനന്തപുരം ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതിയില് അപേക്ഷ നല്കി.
ഈ മാസം 17 ന് രാഹുല് തനിക്കു വാട്സാപ്പ് കോള് ചെയ്തതായി അതിജീവിത പൊലീസിനു പരാതി നല്കിയതിനെ തുടര്ന്നാണ് ക്രൈംബ്രാഞ്ച് ജാമ്യ റദ്ദാക്കണം എന്ന അപേക്ഷ കോടതിയില് സമര്പ്പിച്ചത്.
അപേക്ഷ ഫയലില് സ്വീകരിച്ച കോടതി, ഈ മാസം 27ന് അഭിഭാഷകന് മുഖേനയോ നേരിട്ടോ ഹാജരാകണമെന്ന് രാഹുലിനോട് ആവശ്യപ്പെട്ടു.
കേസില് ജില്ലാ കോടതി ജാമ്യം അനുവദിച്ചിരുന്നപ്പോള് അതിജീവിതയെ സ്വാധീനിക്കുവാനോ, ബന്ധപ്പെടാനോ പാടില്ലെന്ന വ്യവസ്ഥ വച്ചിരുന്നു.
രാഹുല് ഇതു ലംഘിച്ചുവെന്നാണ് പ്രോസിക്യൂഷന് കോടതിയെ അറിയിച്ചത്. 2023ല് വിവാഹവാഗ്ദാനം നല്കി ഹോം സ്റ്റേയിലെത്തിച്ച് രാഹുല് ബലാത്സംഗം ചെയ്തെന്നു കാട്ടി പരാതി നല്കിയ ബെംഗളൂരുവില് താമസിക്കുന്ന 23 വയസ്സുകാരി കഴിഞ്ഞ ദിവസം നെടുമങ്ങാട് കോടതിയില് രഹസ്യമൊഴി നല്കിയിരുന്നു.
അതിജീവിതയെ സ്വാധീനിക്കാൻ ശ്രമിച്ചു; രാഹുല് മാങ്കൂട്ടത്തില് എംഎല്എയ്ക്ക് അനുവദിച്ച മുന്കൂര് ജാമ്യം റദ്ദാക്കണമെന്ന് ആവശ്യപ്പെട്ട് പ്രോസിക്യൂഷന്
0
തിങ്കളാഴ്ച, ഫെബ്രുവരി 23, 2026
തിങ്കളാഴ്ച, ഫെബ്രുവരി 23, 2026
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.