സർക്കാർ ജീവനക്കാരുടെ ഡിഎയിലും പെൻഷൻകാരുടെ ഡിആറിലും 10 ശതമാനം കുടിശിക അനുവദിച്ച് സര്‍ക്കാര്‍ ഉത്തരവ്;

തിരുവനന്തപുരം: സംസ്ഥാന സര്‍ക്കാര്‍ ജീവനക്കാരുടെ ക്ഷാമബത്തയുടെയും (ഡിഎ) പെന്‍ഷന്‍കാരുടെ ക്ഷാമാശ്വാസത്തിന്റെയും (ഡിആര്‍) 10 ശതമാനം കുടിശിക അനുവദിച്ച് സര്‍ക്കാര്‍ ഉത്തരവിറക്കി. മാര്‍ച്ചിലെ ശമ്പളത്തിനൊപ്പം കുടിശിക ഏപ്രിലില്‍ ലഭിക്കും.

ഇതോടെ ആകെ ഡിഎ/ഡിആര്‍ 25 ശതമാനത്തില്‍നിന്ന് 35 ആയി ഉയരും. ഡിഎ കുടിശികയില്‍ ഒരു ഗഡു ഫെബ്രുവരിയിലെ ശമ്പളത്തിലും ബാക്കി ഗഡുക്കള്‍ ഒരുമിച്ച് മാര്‍ച്ചിലെ ശമ്പളത്തിലും നല്‍കിത്തുടങ്ങുമെന്നു സംസ്ഥാന ബജറ്റില്‍ പ്രഖ്യാപിച്ചിരുന്നു.