കാവൻ ഇന്ത്യൻ അസോസിയേഷൻ 2026-ലെ പുതിയ കമ്മിറ്റി രൂപീകരിച്ചു

കാവൻ: കഴിഞ്ഞ 17 വർഷത്തിലധികമായി കാവൻ പ്രദേശത്തെ ഇന്ത്യൻ സമൂഹത്തിന്റെ സാമൂഹിക–സാംസ്കാരിക ആവശ്യങ്ങൾ നിറവേറ്റുന്നതിൽ സജീവമായി പ്രവർത്തിച്ചു വരുന്ന കാവൻ ഇന്ത്യൻ അസോസിയേഷൻ 2026 വർഷത്തേക്കുള്ള പുതിയ കമ്മിറ്റി രൂപീകരിച്ചു.

30 അംഗങ്ങളടങ്ങുന്ന ശക്തമായ എക്സിക്യൂട്ടീവ് കമ്മിറ്റിയാണ് ഈ വർഷം സംഘടനയെ നയിക്കുക.ഇതുവരെ അനവധി സാംസ്കാരിക പരിപാടികളും ദേശീയാഘോഷങ്ങളും, കുടുംബസംഗമങ്ങളും, യുവജന–കുട്ടികളുടെ കലാ–കായിക മത്സരങ്ങളും വിജയകരമായി സംഘടിപ്പിച്ചിട്ടുള്ള സംഘടന, ഈ വർഷം കൂടുതൽ വിപുലമായ പ്രവർത്തനങ്ങൾ ആസൂത്രണം ചെയ്തിട്ടുണ്ട്.

ഇന്ത്യൻ സംസ്കാരവും പാരമ്പര്യവും പുതിയ തലമുറയ്ക്ക് പരിചയപ്പെടുത്തുന്നതിനൊപ്പം, സമൂഹത്തിലെ അംഗങ്ങൾക്ക് ആവശ്യമായ പിന്തുണയും മാർഗനിർദേശവും നൽകുന്ന വിവിധ പദ്ധതികൾ നടപ്പിലാക്കാനാണ് പുതിയ കമ്മിറ്റിയുടെ തീരുമാനം.

2026-ലെ പുതിയ കമ്മിറ്റിയിൽ റോണി ജോർജ് പ്രസിഡന്റായി തിരഞ്ഞെടുക്കപ്പെട്ടു. ടോം ജോസ് സെക്രട്ടറി സ്ഥാനവും ദാസ് ആന്റണി ട്രഷറർ സ്ഥാനവും ഏറ്റെടുത്തു. സംഘടനയുടെ സാമ്പത്തിക ഇടപാടുകൾ നിയന്ത്രിക്കുന്നതിനായി ജോ ഓഡിറ്ററായി നിയമിതനായി. പൊതുജനങ്ങളുമായുള്ള ബന്ധവും മാധ്യമ പ്രവർത്തനങ്ങളും ഏകോപിപ്പിക്കുന്നതിനായി ഡാനോ പബ്ലിക് റിലേഷൻസ് ഓഫീസറായും (PRO) ചുമതലയേറ്റു.

ഇന്ത്യൻ സമൂഹത്തിന്റെ ഐക്യവും പരസ്പര സഹകരണവും ശക്തിപ്പെടുത്തുന്നതിനായി കൂടുതൽ സാംസ്കാരിക, സാമൂഹിക, വിദ്യാഭ്യാസ പരിപാടികൾ സംഘടിപ്പിക്കുമെന്നും, എല്ലാ അംഗങ്ങളുടെയും സജീവ പങ്കാളിത്തത്തോടെ ഒരു ഉജ്ജ്വലമായ പ്രവർത്തന വർഷമാണ് ലക്ഷ്യമിടുന്നതെന്നും പുതിയ കമ്മിറ്റി ഭാരവാഹികൾ അറിയിച്ചു.