കൗമാര കലാ മാമാങ്കത്തിന് ഇന്ന് തിരി തെളിയും,;64–ാമത് കേരള സ്കൂൾ കലോത്സവം മുഖ്യ മന്ത്രി ഉദ്ഘാടനം ചെയ്യും..!

തൃശൂർ ;64–ാമത് കേരള സ്കൂൾ കലോത്സവത്തിന് ഇന്ന് തൃശൂരിൽ തിരിതെളിയും.

25 വേദികളിലായി 15,000 കൗമാരപ്രതിഭകളാണ് പങ്കെടുക്കുന്നത്. 250 ഇനങ്ങളിൽ അഞ്ചുദിവസം നടക്കുന്ന മത്സരങ്ങളുടെ പ്രധാന വേദി  തേക്കിൻകാട് മൈതാനിയിലെ 'സൂര്യകാന്തി' യാണ്.

ജനുവരി 18നു കലോത്സവം സമാപിക്കും. ഇക്കുറി വിവിധ പൂക്കളുടെ പേരാണ് വേദികൾക്കു നൽകിയിട്ടുള്ളത്. ഇതിൽ താമരയുടെ പേര് ഒഴിവാക്കിയത് വിവാദമായിരുന്നു. ബിജെപി യുവജനസംഘടനയുടെ പ്രതിഷേധത്തെ തുടർന്ന് ഒടുവിൽ താമരയുടെ പേര് നൽകാൻ തീരുമാനിച്ചു.