കർക്കശക്കാരനായ കിമ്മിന്റെ 'സർപ്രൈസ്' സന്ദർശനം; സ്വിമ്മിങ് പൂളിൽ കുളിക്കുന്ന സ്ത്രീകളോട് കുശലാന്വേഷണം, വൈറലായി ചിത്രങ്ങൾ.

 ഉത്തരകൊറിയൻ ഭരണാധികാരി കിം ജോങ് ഉന്നിന്റെ വേറിട്ടൊരു സന്ദർശന വാർത്തയാണ് ഇപ്പോൾ അന്താരാഷ്ട്ര തലത്തിൽ ശ്രദ്ധനേടുന്നത്.

രാജ്യത്തെ ഏറ്റവും വലിയ ഹോട്ട് സ്പ്രിംഗ് റിസോർട്ടായ നോർത്ത് ഹാംഗ്യാങ് പ്രവിശ്യയിലെ 'ഓൻഫോ വർക്കേഴ്സ് ഹോളിഡേ ക്യാമ്പ്' (Onfo Workers' Holiday Camp) സന്ദർശിച്ച കിം, അവിടെയുള്ളവരുമായി സമയം ചെലവഴിക്കുന്ന ചിത്രങ്ങൾ പുറത്തുവന്നു.

Kuzey Kore lideri Kim Jong-un, işçiler için yaptırdığı dinlenme tesisini ziyaret etti.

Sıcak havuzda keyif yapıyormuş gibi davranan işçilerin sahte gülümsemeleri kameralara yansıdı.
pic.twitter.com/uK4YmPBOM0

— Şahin Özkan (@sahinozkan0) January 22, 2026

റിസോർട്ടിലെ സർപ്രൈസ് സന്ദർശനം

ജനുവരി 20-നായിരുന്നു കിം ജോങ് ഉന്നിന്റെ ഈ സന്ദർശനം. റിസോർട്ടിന്റെ നവീകരണ പ്രവർത്തനങ്ങൾ പൂർത്തിയായതിന് ശേഷമുള്ള ഉദ്ഘാടന ചടങ്ങിൽ പങ്കെടുത്ത അദ്ദേഹം, അവിടുത്തെ സൗകര്യങ്ങളിൽ സംതൃപ്തി രേഖപ്പെടുത്തി.

സന്ദർശനത്തിനിടെ റിസോർട്ടിലെ പൂളുകളിൽ കുളിച്ചുകൊണ്ടിരുന്ന സ്ത്രീകളുടെ അടുത്തേക്ക് അദ്ദേഹം നേരിട്ടെത്തുകയും അവരോട് കുശലാന്വേഷണം നടത്തുകയും ചെയ്തു. ഗൗരവക്കാരനായ ഭരണാധികാരി എന്ന തന്റെ പതിവ് ശൈലിയിൽ നിന്ന് മാറി, പുഞ്ചിരിച്ചുകൊണ്ട് ജനങ്ങളോട് സംസാരിക്കുന്ന കിമ്മിന്റെ ചിത്രങ്ങൾ രാജ്യത്തെ ഔദ്യോഗിക മാധ്യമമായ KCNA പുറത്തുവിട്ടു.

കനത്ത ജാക്കറ്റും ചൂടുനീരുറവയും

ചൂടുനീരുറവയിൽ നിന്ന് നീരാവി ഉയരുന്ന അന്തരീക്ഷത്തിലും തടിച്ച ഡൗൺ ജാക്കറ്റ് ധരിച്ചാണ് കിം സൗകര്യങ്ങൾ പരിശോധിക്കാനെത്തിയത്. പൂളിന് അരികിലിരുന്ന് സ്ത്രീകളുമായി സംസാരിക്കുന്ന അദ്ദേഹം അതീവ സന്തോഷവാനായി കാണപ്പെട്ടു.

2018-ൽ ഇതേ റിസോർട്ട് സന്ദർശിച്ചപ്പോൾ അവിടുത്തെ വൃത്തിഹീനമായ സാഹചര്യങ്ങളെയും കെടുകാര്യസ്ഥതയെയും കിം രൂക്ഷമായി വിമർശിച്ചിരുന്നു. തുടർന്ന് വർഷങ്ങളോളം നീണ്ടുനിന്ന നവീകരണ പ്രവർത്തനങ്ങൾക്കൊടുവിലാണ് റിസോർട്ട് ഇപ്പോൾ പൊതുജനങ്ങൾക്കായി തുറന്നുകൊടുത്തിരിക്കുന്നത്. "പ്രകൃതിയോട് ഇണങ്ങിനിൽക്കുന്ന ഉന്നത നിലവാരമുള്ള വിനോദകേന്ദ്രം" എന്നാണ് അദ്ദേഹം പുതിയ റിസോർട്ടിനെ വിശേഷിപ്പിച്ചത്.

ജനകീയ പ്രതിച്ഛായ ലക്ഷ്യം?

കർക്കശക്കാരനായ സ്വേച്ഛാധിപതി എന്ന നിലയിലുള്ള ആഗോള പ്രതിച്ഛായ മാറ്റിയെടുക്കാനുള്ള ശ്രമത്തിന്റെ ഭാഗമായാണ് കിമ്മിന്റെ ഈ നീക്കമെന്ന് രാഷ്ട്രീയ നിരീക്ഷകർ കരുതുന്നു. സാമ്പത്തിക പ്രതിസന്ധികളിലൂടെ കടന്നുപോകുന്ന ജനങ്ങളെ ചേർത്തുപിടിക്കുന്ന, അവരുടെ പുരോഗതിയിൽ ശ്രദ്ധാലുവായ ഒരു "കെയറിംഗ് ലീഡർ" (Care-taking Leader) എന്ന ചിത്രം കെട്ടിപ്പടുക്കാനാണ് അദ്ദേഹം ഇപ്പോൾ ശ്രമിക്കുന്നത്. ഒപ്പം, പുതിയ ചിത്രങ്ങളിൽ കിമ്മിന്റെ വർദ്ധിച്ച ശരീരഭാരവും വാർത്തകളിൽ ചർച്ചയാകുന്നുണ്ട്.