മലപ്പുറം:കേരളത്തിന്റെ യാത്രാ മേഖലയിൽ വിപ്ലവകരമായ മാറ്റങ്ങൾ ലക്ഷ്യമിട്ടുള്ള പുതിയ അതിവേഗ റെയിൽ പദ്ധതിയുടെ വിശദമായ പദ്ധതി രേഖ (DPR) തയ്യാറാക്കാൻ ഡൽഹി മെട്രോ റെയിൽ കോർപറേഷനെ (DMRC) ചുമതലപ്പെടുത്തിയതായി മെട്രോമാൻ ഇ. ശ്രീധരൻ അറിയിച്ചു.
.jpg)
കണ്ണൂർ മുതൽ കാസർകോട് വരെയുള്ള 82 കിലോമീറ്റർ പാതയുടെ കാര്യത്തിൽ നിലവിൽ അനിശ്ചിതത്വം നിലനിൽക്കുന്നുണ്ട്. മുൻപ് നടത്തിയ സർവേകളിൽ കാസർകോട് നിന്ന് ഏകദേശം 150 ഓളം യാത്രക്കാർ മാത്രമാണ് ഉണ്ടാകുക എന്ന് കണ്ടെത്തിയതിനാൽ, അത്രയും പേർക്ക് വേണ്ടി നൂറ് കിലോമീറ്റർ പാത അധികമായി നിർമ്മിക്കേണ്ടതുണ്ടോ എന്ന ചോദ്യം ഇ. ശ്രീധരൻ ഉയർത്തി. എന്നിരുന്നാലും ആവശ്യമാണെന്ന് കണ്ടാൽ ആ ഭാഗവും പദ്ധതിയിൽ ഉൾപ്പെടുത്തിയേക്കാം. ഒരു കിലോമീറ്റർ പാത നിർമ്മിക്കുന്നതിന് ഭൂമി ഏറ്റെടുക്കൽ ഉൾപ്പെടെ ഏകദേശം 200 കോടി രൂപയാണ് ചെലവ് പ്രതീക്ഷിക്കുന്നത്. ആകെ പദ്ധതി തുക ഒരു ലക്ഷം കോടി രൂപയാകുമെന്നും ഇതിൽ 70 ശതമാനം ഉയരപ്പാതയും (Elevated) 20 ശതമാനം തുരങ്കപ്പാതയുമായിരിക്കുമെന്നും അദ്ദേഹം കൂട്ടിച്ചേർത്തു.
യാത്രക്കാരുടെ സൗകര്യാർത്ഥം തുടക്കത്തിൽ എട്ട് കോച്ചുകളുള്ള ട്രെയിനുകളാകും സർവീസ് നടത്തുക. 560 പേർക്ക് യാത്ര ചെയ്യാവുന്ന ഈ ട്രെയിനുകളിൽ ഭാവിയിൽ കോച്ചുകളുടെ എണ്ണം 16 വരെയായി ഉയർത്താൻ സാധിക്കും. പദ്ധതി യാഥാർത്ഥ്യമാകുന്നതോടെ തിരുവനന്തപുരത്ത് നിന്ന് കൊച്ചിയിലെത്താൻ ഒരു മണിക്കൂർ 20 മിനിറ്റും, കോഴിക്കോട്ടേക്ക് രണ്ട് മണിക്കൂർ 30 മിനിറ്റും, കണ്ണൂരിലേക്ക് മൂന്ന് മണിക്കൂർ 15 മിനിറ്റും മതിയാകും. കേരളത്തിന്റെ വടക്ക്-തെക്ക് യാത്രാക്ലേശത്തിന് ശാശ്വത പരിഹാരമാകാൻ ഈ അതിവേഗ പാതയ്ക്ക് സാധിക്കുമെന്നാണ് പ്രതീക്ഷിക്കുന്നത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.