കൊലപാതകത്തിന് ശേഷം ഭീഷണി മുഴക്കി വീഡിയോ; ഡൽഹിയിൽ രണ്ട് യുവാക്കളെ കുത്തിക്കൊലപ്പെടുത്തിയ സംഭവത്തിൽ നടുക്കം

 ന്യൂഡൽഹി: തലസ്ഥാന നഗരിയെ നടുക്കി ജഹാംഗീർപുരിയിൽ രണ്ട് യുവാക്കളെ അക്രമിസംഘം ക്രൂരമായി കുത്തിക്കൊലപ്പെടുത്തി.

വടക്കുപടിഞ്ഞാറൻ ഡൽഹിയിലെ കെ-ബ്ലോക്കിന് സമീപം ഞായറാഴ്ചയാണ് സംഭവം നടന്നത്. കൊലപാതകത്തിന് ശേഷം അക്രമികൾ ദൃശ്യങ്ങൾ മൊബൈൽ ഫോണിൽ പകർത്തി സോഷ്യൽ മീഡിയയിൽ പങ്കുവെച്ചതായും റിപ്പോർട്ടുകളുണ്ട്. "സഹോദരാ, ഞങ്ങൾ രണ്ട് കൊലപാതകങ്ങൾ നടത്തിക്കഴിഞ്ഞു, ഇനി മൂന്നാമത്തേതിലേക്ക് നീങ്ങുകയാണ്" എന്ന് പ്രതികൾ വീഡിയോയിലൂടെ പരസ്യമായി ഭീഷണി മുഴക്കുന്നതും ദൃശ്യങ്ങളിൽ കാണാം.

ആക്രമണം നടന്നത് ഇങ്ങനെ: അൻഷു, വിമൽ എന്നീ 18 വയസ്സുകാരെയാണ് നാലംഗ സംഘം ആക്രമിച്ചത്. മൂന്ന് പേർ ചേർന്ന് ആയുധങ്ങളുപയോഗിച്ച് മാരകമായി പരിക്കേൽപ്പിച്ചപ്പോൾ നാലാമൻ ഇത് ഫോണിൽ പകർത്തുകയായിരുന്നുവെന്ന് പോലീസ് വ്യക്തമാക്കി. ഉച്ചകഴിഞ്ഞ് ഏകദേശം 2.55-ഓടെയാണ് പോലീസിന് വിവരം ലഭിക്കുന്നത്.

Update

After carrying out a knife attack in Jahangirpuri, the alleged accused, Saurav, uploaded a video of the incident to his social media account.

A video is circulating on social media showing four boys attacking two others with knives.

Prior to the stabbing, the… https://t.co/o9vcQ3gBZp pic.twitter.com/Iwfxg7xLpO

— Atulkrishan (@iAtulKrishan1) January 4, 2026

പോലീസ് നൽകുന്ന വിവരം: സംഭവസ്ഥലത്തെത്തിയ പോലീസ് സംഘം പരിക്കേറ്റവരെ ഉടൻ തന്നെ പ്രാഥമിക ചികിത്സയ്ക്ക് ശേഷം ലോക് നായക് ജയ് പ്രകാശ് (LNJP) ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. വിമലിന്റെ ശരീരത്തിൽ ഒന്നിലധികം മുറിവുകളുണ്ടായിരുന്നു. സാഹിൽ എന്നൊരാളെ അറിയാമോ എന്നും ഇവർ കെ-ബ്ലോക്കിലെ താമസക്കാരാണോ എന്നും ചോദിച്ചാണ് അക്രമികൾ യുവാക്കളെ തടഞ്ഞുനിർത്തിയത്. അറിയില്ലെന്ന് പറഞ്ഞതോടെ കയ്യിലുണ്ടായിരുന്ന മാരകായുധങ്ങളുപയോഗിച്ച് യുവാക്കളെ അക്രമിക്കുകയായിരുന്നു.

അന്വേഷണം ഊർജിതം: പ്രതികളെ തിരിച്ചറിയുന്നതിനായി പ്രദേശത്തെ സിസിടിവി ദൃശ്യങ്ങൾ പോലീസ് വിശദമായി പരിശോധിച്ചു വരികയാണ്. പ്രതികൾ പുറത്തുവിട്ട വീഡിയോയും അന്വേഷണത്തിന്റെ ഭാഗമായി പോലീസ് ശേഖരിച്ചിട്ടുണ്ട്. കൊലപാതകത്തിന് പിന്നിലെ കൃത്യമായ ലക്ഷ്യം കണ്ടെത്താനായിട്ടില്ല. കേസ് രജിസ്റ്റർ ചെയ്തതായും ഒളിവിൽ പോയ പ്രതികൾക്കായി തിരച്ചിൽ ഊർജിതമാക്കിയതായും മുതിർന്ന പോലീസ് ഉദ്യോഗസ്ഥൻ അറിയിച്ചു.