'അടിമ' എന്ന് വിശേഷിപ്പിച്ച് പ്രവാസി ഇന്ത്യക്കാരനെ വംശീയമായി അധിക്ഷേപിച്ച സംഭവത്തിൽ 81 ലക്ഷം രൂപ നഷ്ടപരിഹാരം നല്കാൻ വിധി

യുകെ ; സൗത്ത് ഈസ്റ്റ് ലണ്ടനിലെ ഫ്രൈഡ് ചിക്കൻ ഫ്രാഞ്ചൈസി ഔട്‌ലെറ്റിലെ മാനേജർ വംശീയമായി വേർതിരിച്ചുനിർത്തിയെന്നും പിരിച്ചുവിട്ടെന്നും പരാതി നൽകിയ ഇന്ത്യക്കാരന് 81 ലക്ഷം രൂപ (67000 പൗണ്ട്) നഷ്ടപരിഹാരം നൽകാൻ ട്രൈബ്യൂണൽ വിധി.

ശ്രീലങ്കൻ തമിഴ് വംശജനായ മാനേജർ ‘അടിമ’ എന്നുവിളിച്ചെന്നും ‘ഇന്ത്യക്കാർ തട്ടിപ്പുകാരാണ്’ എന്നു പരാമർശിച്ചെന്നും ആരോപിച്ച് തമിഴ്നാട്ടിൽ നിന്നുള്ള മധേഷ് രവിചന്ദ്രൻ എന്നയാളാണു പരാതി നൽകിയത്.

അധികനേരത്തെ ഷിഫ്റ്റുകൾ നൽകി ഉപദ്രവിച്ചതിനാൽ രാജിവയ്ക്കാൻ നിർബന്ധിതനായെന്നും പരാതിയിൽ പറയുന്നു.