സ്വർണക്കൊള്ളയുമായി ബന്ധപ്പെട്ട് തദ്ദേശ തിരഞ്ഞെടുപ്പിനിടെ വൈറലായ പാരഡി ഗാനം പാര്‍ലമെന്റിനു മുന്നില്‍ ആലപിച്ച് യുഡിഎഫ് എംപിമാര്‍

ന്യൂഡൽഹി; ശബരിമല സ്വർണക്കൊള്ളയുമായി ബന്ധപ്പെട്ട് തദ്ദേശ തിരഞ്ഞെടുപ്പിനിടെ വൈറലായ പാരഡി ഗാനം പാര്‍ലമെന്റിനു മുന്നില്‍ ആലപിച്ച് യുഡിഎഫ് എംപിമാര്‍.

ശബരിമല വിഷയത്തില്‍ കോടതി നിരീക്ഷണത്തില്‍ സിബിഐ അന്വേഷണം വേണമെന്ന് ആവശ്യപ്പെട്ടാണ് പ്രതിഷേധം നടന്നത്.ശബരിമലയിലെ സ്വർണക്കൊള്ളയിൽ നിലവിലെ എസ്ഐടി അന്വേഷണം പോരെന്നാണ് യുഡിഎഫ് ചൂണ്ടിക്കാട്ടുന്നത്.

ഇന്ന് രാവിലെ 10.30ഓടെയായിരുന്നു ആന്റോ ആന്റണി എംപിയുടെ നേതൃത്വത്തിൽ പാർലമെന്റിനു മുന്നിലെ പ്രതിഷേധം. കഴിഞ്ഞ ദിവസങ്ങളിൽ കെ.സി.വേണുഗോപാൽ, ആന്റോ ആന്റണി, ഹൈബി ഈഡൻ തുടങ്ങിയവർ ശബരിമല വിഷയം ലോക്സഭയുടെ ശൂന്യവേളയിൽ ഉന്നയിച്ചിരുന്നു.