കൈപ്പട്ടൂർ: അച്ചൻകോവിലാറ്റിൽ ഒഴുക്കിൽപ്പെട്ട അനുജനെ രക്ഷിക്കാൻ ശ്രമിക്കുന്നതിനിടെ ജ്യേഷ്ഠനെ കാണാതായി.
കൈപ്പട്ടൂർ ചരുവിൽ വീട്ടിൽ ഗോപകുമാറിന്റെ മകൻ അശ്വിനെയാണ് (23) ആറ്റിലെ ശക്തമായ ഒഴുക്കിൽപ്പെട്ട് കാണാതായത്. കൈപ്പട്ടൂർ പാലത്തിന് സമീപമുള്ള മാത്തൂർ കടവിൽ തിങ്കളാഴ്ച വൈകീട്ട് അഞ്ചരയോടെയായിരുന്നു അപകടം.അപകടം കുളിക്കാനിറങ്ങിയപ്പോൾ ഒരു വിവാഹച്ചടങ്ങിൽ പങ്കെടുത്ത ശേഷം അശ്വിനും ഇളയ സഹോദരനും സുഹൃത്തുക്കളോടൊപ്പം ആറ്റിൽ കുളിക്കാനിറങ്ങിയതായിരുന്നു. ഇതിനിടെ സഹോദരൻ അപ്രതീക്ഷിതമായി കയത്തിൽ അകപ്പെട്ടു. ഉടൻതന്നെ അശ്വിൻ സഹോദരനെ രക്ഷിക്കാൻ ശ്രമിച്ചെങ്കിലും ശക്തമായ ഒഴുക്കിൽപ്പെടുകയായിരുന്നു. കൂടെയുണ്ടായിരുന്ന സുഹൃത്തുക്കൾ ഇളയ സഹോദരനെ സുരക്ഷിതനായി കരയ്ക്കെത്തിച്ചെങ്കിലും അശ്വിൻ ആറ്റിൽ താഴ്ന്നുപോയി.
തിരച്ചിൽ തുടരുന്നു നാട്ടുകാർ വിവരമറിയിച്ചതിനെത്തുടർന്ന് പത്തനംതിട്ടയിൽ നിന്നും അഗ്നിരക്ഷാസേനയുടെ സ്കൂബാ ടീം സ്ഥലത്തെത്തി ദ്രുതഗതിയിൽ തിരച്ചിൽ ആരംഭിച്ചു. രാത്രി വൈകിയും തെരച്ചിൽ നടത്തിയെങ്കിലും കണ്ടെത്താനായിട്ടില്ല. വെളിച്ചക്കുറവ് മൂലം നിർത്തിവെച്ച തിരച്ചിൽ ചൊവ്വാഴ്ച പുലർച്ചെ മുതൽ പുനരാരംഭിക്കുമെന്ന് അധികൃതർ അറിയിച്ചു.






.jpg)








ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.