പാലാ:-നഗരത്തിൻ്റെ സാംസ്കാരിക-വ്യാപാര രംഗത്തെ സജീവസാന്നിദ്ധ്യമായ കേരള വ്യാപാരി വ്യവസായി ഏകോപന സമിതിയുടെ യൂത്ത് വിംഗ് ആണ്, ലോകപ്രശ സ്തമായ പാലാ ജൂബിലി തിരുനാളിനോടനുബന്ധിച്ച് പാലാ ഫുഡ് ഫെസ്റ്റ് 2025 മഹാമേള സംഘടിപ്പിക്കുന്നത്.
ഡിസംബർ 5 മുതൽ 8 വരെ, പാലായുടെ ഹൃദയഭാഗമായ പുഴക്കര മൈതാനത്താണ് രുചിയുടെയും കലയുടെയും ഈ മഹോത്സവം അരങ്ങേറുക. കഴിഞ്ഞ രണ്ടു പതിറ്റാണ്ടിലേറെയായി നിരവധി വിജയകരമായ പരിപാടികൾക്ക് നേത്യത്വം നൽകിയ യൂത്ത് വിംഗിന്റെ സംഘടനാ ശേഷിയുടെ പിൻബലത്തോടെയാണ് ഫുഡ് ഫെസ്റ്റ്-2025 ആസൂത്രണം ചെയ്തിരിക്കുന്നത്.അമ്പതിൽപ്പരം സ്റ്റാളുകളിലായി ഇന്ത്യൻ, ചൈനീസ്, അറബിക്, കോണ്ടിനെൻ്റൽ ഉൾപ്പെടെയുള്ള ലോകോത്തര വിഭവങ്ങളും രുചികളുടെ ഈ മഹാസംഗമത്തിൽ അണിയിച്ചൊരുക്കുന്നു. വൈവിധ്യമാർന്ന വീട്ടിലുണ്ടാക്കിയ മധുരപലഹാരങ്ങളും സ്നേഹത്തിൻ്റെ രുചിക്കൂട്ടുകളും ഈ ഫുഡ്ഫെസ്റ്റിൽ ലഭ്യമാകും.ഫുഡ് ഫെസ്റ്റിൽ രുചിവൈവിധ്യങ്ങൾ ആസ്വദിക്കുന്നതോടൊപ്പം എല്ലാ ദിവസവും വൈകുന്നേരം 7 മണി മുതൽ ആവേശകരമായ കലാവിരുന്നും നടത്തപ്പെടുന്നു.
ഡിസംബർ 5-ാം തീയതി വെള്ളിയാഴ്ച വൈകിട്ട് 5 മണിക്ക് ബഹു. ശ്രീ. ജോസ് കെ. മാണി എം.പി. ഉദ്ഘാടനം നിർവഹിക്കുന്നതും, ബഹു. ശ്രീ. മാണി സി. കാപ്പൻ എം.എൽ.എ.മുഖ്യാതിഥിയായിരിക്കുനതുമാണ് .ഏകോപനസമിതി പ്രസിഡൻറ് വക്കച്ചൻ മറ്റത്തിൽ Ex MP അദ്ധ്യക്ഷനായിരിക്കും. യൂത്ത് വിംഗ് പ്രസിഡൻറ് ജോൺ ദർശന സ്വാഗതമരുളും, രാഷ്ട്രീയ, സാമുദായിക, സാംസ്കാരിക, വ്യാപാരി നേതാക്കൾ പങ്കെടുക്കും.
EVENT PROGRAMS
05 Dec. 7.00 PM
DJ Aanjin & Charminar Musical DJ Night
06 Dec. 7.00 PM
Folk Grapher Live
Athul Nadukara & Team
07 Dec. 7.00 PM
DJ Aswin & Team
08 Dec. 7.00 PM
Mr. Chendakkaran & Team
(പ്രോഗ്രാമുകളിൽ മാറ്റം വരുത്തുന്നതിന് കമ്മറ്റിക്ക് അധികാരം ഉണ്ടായിരിക്കുന്നതാണ്.)
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.