ചായയിൽ തീരുമാനം ആയില്ല,ചർച്ചകൾ തുടരും..കലഹമൊടുങ്ങാതെ കർണാടക

ബെംഗളൂരു; കർണാടകയിൽ നേതൃമാറ്റ തർക്കം മുറുകുന്നതിനിടെ ഉപമുഖ്യമന്ത്രി ഡി.കെ.ശിവകുമാറും മുഖ്യമന്ത്രി സിദ്ധരാമയ്യയും ചർച്ച നടത്തിയെങ്കിലും തീരുമാനമായില്ല.

മുഖ്യമന്ത്രിയുടെ ഒൗദ്യോഗിക വസതിയിലായിരുന്നു ചർച്ച. മുഖ്യമന്ത്രി പദം രണ്ടരവർഷത്തിനുശേഷം തനിക്കു ലഭിക്കണമെന്ന നിലപാടിൽ ശിവകുമാർ ഉറച്ചു നിന്നതായാണ് ലഭിക്കുന്ന വിവരം.

മുഖ്യമന്ത്രി പദം ഒഴിയാനാവില്ലെന്ന് സിദ്ധരാമയ്യയും വ്യക്തമാക്കി. ഇനിയുള്ള ചർച്ചകൾ ഡൽഹിയിൽ നടക്കും. പ്രശ്നങ്ങളില്ലെന്നാണ് ഇരുവിഭാഗവും അവകാശപ്പെടുന്നത്.