തീവ്ര വോട്ടര്‍ പട്ടിക പരിഷ്‌കരണത്തില്‍ സമയപരിധി തെരഞ്ഞെടുപ്പ് കമ്മീഷന്‍ നീട്ടി

തീവ്ര വോട്ടര്‍ പട്ടിക പരിഷ്‌കരണത്തില്‍ സമയപരിധി തെരഞ്ഞെടുപ്പ് കമ്മീഷന്‍ നീട്ടി. 

തീവ്ര വോട്ടർ പട്ടിക പരിഷ്കരണത്തിൻ്റെ സമയപരിധി കേന്ദ്ര തെരഞ്ഞെടുപ്പ് കമ്മീഷൻ ഒരു ആഴ്ചത്തേക്ക് നീട്ടിയിട്ടുണ്ട്. കേരളം ഉൾപ്പെടെ 12 സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമാണ് സമയപരിധി നീട്ടിയത് എന്യുമറേഷന്‍ ഫോമുകള്‍ നല്‍കാന്‍ ഡിസംബര്‍ 11 വരെ സമയമുണ്ട്. 

The Election Commission of India has announced a revised Schedule, extending the relevant dates by one week for the ongoing Special Intensive Revision (SIR) of Electoral Rolls in 12 States/UTs, with 01.01.2026 as the qualifying date. pic.twitter.com/sJB7nHH7A6

— ANI (@ANI) November 30, 2025

പുതുക്കിയ തീയതികൾ ഇപ്രകാരമാണ്:

ഫോം പൂരിപ്പിച്ച് നൽകേണ്ട അവസാന തീയതി: 2025 ഡിസംബർ 11 (നേരത്തെ ഇത് ഡിസംബർ 4 ആയിരുന്നു).

കരട് വോട്ടർ പട്ടിക പ്രസിദ്ധീകരിക്കുന്ന തീയതി: 2025 ഡിസംബർ 16 (നേരത്തെ ഇത് ഡിസംബർ 9 ആയിരുന്നു).

അന്തിമ വോട്ടർ പട്ടിക പ്രസിദ്ധീകരിക്കുന്ന തീയതി: 2026 ഫെബ്രുവരി 14 (നേരത്തെ ഇത് ഫെബ്രുവരി 7 ആയിരുന്നു). 

ഈ നീട്ടിക്കിട്ടിയ സമയം വോട്ടർമാർക്ക് തങ്ങളുടെ വിവരങ്ങൾ ചേർക്കാനും, തിരുത്തലുകൾ വരുത്താനും, പട്ടികയിൽ നിന്ന് പേര് നീക്കം ചെയ്യാനുമുള്ള അവസരം നൽകുന്നു. വോട്ടർ പട്ടിക സംബന്ധിച്ച കൂടുതൽ വിവരങ്ങൾക്കും സേവനങ്ങൾക്കുമായി ദേശീയ വോട്ടർ സേവന പോർട്ടൽ സന്ദർശിക്കുക.