മലപ്പുറം: ഒതായി മനാഫ് വധക്കേസിൽ ഒന്നാം പ്രതി മാലങ്ങാടൻ ഷെഫീഖിന് ജീവപര്യന്തം തടവുശിക്ഷ. മഞ്ചേരി അഡീഷണൽ ജില്ലാ സെഷൻസ് കോടതിയാണ് ഉത്തരവ് പുറപ്പെടുവിച്ചത്.
കേസിലെ രണ്ടാം പ്രതി ഷെഫീഖിന്റെ സഹോദരൻ ഷെരീഫ് (54), മൂന്നാം പ്രതി നിലമ്പൂർ ജനതപ്പടി കോട്ടപ്പുറം മുനീബ് (52), നാലാം പ്രതി എളമരം മപ്രം പയ്യനാട്ട്‌തൊടിക കബീർ (ജാബിർ-52) എന്നിവരെ തെളിവില്ലെന്നുകണ്ട് വെറുതേവിട്ടിരുന്നു.
1995 ഏപ്രിൽ 13-നായിരുന്നു നാടിനെ നടുക്കിയ കൊലപാതകം. ഓട്ടോഡ്രൈവറായ മനാഫിനെ ഒതായി അങ്ങാടിയിൽ നാട്ടുകാർ നോക്കിനിൽക്കേ പട്ടാപ്പകൽ പ്രതികൾ അടിച്ചും കുത്തിയും കൊലപ്പെടുത്തിയെന്നാണ് കേസ്. മനാഫിന്റെ കുടുംബത്തിൽപ്പെട്ട ഒരാളുടെ ഭൂമി പിടിച്ചെടുക്കാൻ ശ്രമിച്ചതുമായി ബന്ധപ്പെട്ടുണ്ടായ തർക്കമാണ് കൊലപാതകത്തിൽ കലാശിച്ചത്.
പി.വി. അൻവർ ഈ കേസിൽ രണ്ടാം പ്രതിയായിരുന്നു. ഏഴാംപ്രതിയായിരുന്ന അൻവറിന്റെ പിതാവ് പി.വി. ഷൗക്കത്തലി കുറ്റപത്രം സമർപ്പിക്കും മുൻപ് മരിച്ചു. കേസിലെ ഒന്നാം സാക്ഷി കൂറുമാറിയതോടെ അൻവർ അടക്കമുള്ള 21 പ്രതികളെ 2009-ൽ മഞ്ചേരി അഡീഷണൽ ജില്ലാസെഷൻസ് കോടതി വെറുതേവിട്ടിരുന്നു. ഈ വിധി റദ്ദാക്കണമെന്ന് ആവശ്യപ്പെട്ട് മനാഫിന്റെ സഹോദരൻ അബ്ദുൽറസാഖ് നൽകിയ റിവിഷൻ ഹർജി ഹൈക്കോടതിയുടെ പരിഗണനയിലാണ്
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.