നെടുമങ്ങാട്ട് എസ്ഡിപിഐ- സിപിഎം സംഘര്‍ഷം. സിപിഎം ബ്രാഞ്ച് സെക്രട്ടറിയെ എസ്ഡിപിഐ പ്രവര്‍ത്തകര്‍ വെട്ടിപ്പരിക്കേല്‍പിച്ചു

മുല്ലശ്ശേരി;ഞായറാഴ്ച രാത്രിയോടെയാണ് സംഘര്‍ഷം തുടങ്ങിയത്. അഴീക്കോട് ജങ്ഷനില്‍ ഞായറാഴ്ച രാത്രി ഒന്‍പതരയോടെ സിപിഎം മുല്ലശ്ശേരി ബ്രാഞ്ച് സെക്രട്ടറി ദീപുവിനെ മൂന്ന് എസ്ഡിപിഐ പ്രവര്‍ത്തകര്‍ ആക്രമിക്കുകയായിരുന്നു.

കുടുംബത്തിന്റെ മുന്നില്‍ വച്ചായിരുന്നു ദീപുവിനെ ആക്രമിച്ചത്. പരിക്കേറ്റ ദീപുവിനെ പേരൂര്‍ക്കട സര്‍ക്കാര്‍ ആശുപത്രിയില്‍ എത്തിച്ചു.ദീപുവിന് ആക്രമണമേറ്റതിന് പിന്നാലെ നെടുമങ്ങാട് പോലീസ് സ്റ്റേഷന്‍ പരിധിയില്‍പ്പെട്ട കായ്പ്പാടി -കുമ്മി പള്ളി പള്ളിമുക്ക് ജങ്ഷനില്‍ നാദിര്‍ഷാ എന്നയാളുടെ വീടിന്റെ ജനല്‍ ഗ്ലാസുകളും സമദ് എന്നയാളുടെ വീടിനുമുന്നില്‍ പാര്‍ക്ക് ചെയ്തിരുന്ന എസ്ഡിപിഐയുടെ ആംബുലന്‍സിന്റെ ഗ്ലാസും മാരുതി ആള്‍ട്ടോ കാറിന്റെ ഗ്ലാസും ചെടിച്ചട്ടികളും ഒരു സംഘം തകര്‍ത്തു.

തുടര്‍ന്ന് പുലര്‍ച്ചെ ഒരു മണിയോടുകൂടി നെടുമങ്ങാട് ആശുപത്രിക്ക് മുന്‍വശം ആംബുലന്‍സ് സ്റ്റാന്‍ഡില്‍ പാർക്ക് ചെയ്തിരുന്ന നെടുമങ്ങാട് ഡിവൈഎഫ്‌ഐ മേഖല കമ്മിറ്റിയുടെ ആംബുലന്‍സ് എസ്ഡിപിഐ പ്രവര്‍ത്തകര്‍ കത്തിച്ചു.