ചർച്ച് ഓഫ് ഇംഗ്ലണ്ട് സഭയുടെ നിയുക്ത ആർച്ച് ബിഷപ്പായി ഡാം സാറാ മുല്ലള്ളിയെ തിരഞ്ഞെടുത്തു

ലണ്ടൻ ;യുകെയിൽ ചർച്ച് ഓഫ് ഇംഗ്ലണ്ട് സഭയുടെ നിയുക്ത ആർച്ച് ബിഷപ്പായി ഡാം സാറാ മുല്ലള്ളിയെ തിരഞ്ഞെടുത്തു.

597 വർഷത്തെ സഭയുടെ ചരിത്രത്തിൽ ആദ്യമായാണ് പരമാധ്യക്ഷ സ്ഥാനത്തേക്ക് ഒരു വനിത എത്തുന്നത്. കാന്റർബറി നിയുക്ത ആർച്ച് ബിഷപ്പായാണ് ഡാം സാറാ മുല്ലള്ളിയെ തിരഞ്ഞെടുത്തത്.

എൻഎച്ച്എസിലെ മുൻ ചീഫ് നഴ്‌സ് ആയിരുന്ന ഡാം സാറാ മുല്ലള്ളി (63) 2006 ലാണ് പുരോഹിതയാകുന്നത്.  2018ൽ ലണ്ടനിലെ ആദ്യത്തെ വനിതാ ബിഷപ്പായി നിയമിക്കപ്പെട്ടു. നിലവിൽ ചർച്ച് ഓഫ് ഇംഗ്ലണ്ടിലെ വൈദികരിൽ മൂന്നാമത്തെ ഏറ്റവും മുതിർന്ന അംഗമാണ്‌. ഇംഗ്ലണ്ടിൽ ചാൾസ് രാജാവ് ഉൾപ്പടെയുള്ളവർ ചർച്ച് ഓഫ് ഇംഗ്ലണ്ട് സഭയുടെ അംഗങ്ങളാണ്.