വാഴൂർ പുണ്യം ട്രസ്റ്റ് നിർമ്മിച്ച് നൽകുന്ന വീടിന് BMS തൊഴിലാളികളുടെ സ്നേഹത്തിന്റെ കയ്യൊപ്പ്..!

പള്ളിക്കത്തോട് ;BMS വാഴൂർ ഗ്രാമപഞ്ചായത്ത് പുതിയ 9 -ാം വാർഡിൽ കൊടുങ്ങൂർ ദേവീക്ഷേത്രത്തിന് മുൻവശത്ത് വർഷങ്ങളായി വാടകയ്ക്ക് താമസിച്ചു വരുന്ന അംഗപരിമിതരായ രണ്ട് കുട്ടികളടങ്ങുന്ന കുടുബത്തിന്,

വാഴൂർ പുണ്യം ട്രസ്റ്റ് (സേവാഭാരതി ) 5 സെൻ്റ് വസ്തുവാങ്ങി നിർമ്മിച്ചു നൽകുന്ന വീടിൻ്റെ മേൽകൂരയുടെ വാർക്ക പണികൾ ഇന്ന് BMS ൻ്റെ തൊഴിലാളി സുഹൃത്തുക്കളുടെ നേതൃത്വത്തിൽ പൂർത്തികരിച്ചു. രണ്ട് മാസത്തിനുള്ളിൽ താക്കോൽ ദാനം നടക്കുമെന്ന് ഭാരവാഹികൾ അറിയിച്ചു.

ഒരു മാതൃകാ ഗ്രാമം സൃഷ്ടിയ്ക്കുവാനുള്ള പുണ്യത്തിൻ്റെ പരിശ്രമത്തിൽ ഞങ്ങളും ഒരു ചെറിയ കണ്ണിയാകുന്നതിൽ അഭിമാനിയ്ക്കുന്നുവെന്ന് ഉദ്യമത്തിൽ പങ്കെടുത്ത പ്രവർത്തകർ കൂട്ടിച്ചേർത്തു.