ഇംഗ്ലണ്ടിലെ മാഞ്ചസ്റ്ററിൽ ജൂത ദേവാലയത്തിന് നേരെ നടന്ന ആക്രമണം ഭീകരാക്രമണമെന്ന് സ്ഥിരീകരണം. സിനഗോഗിൽ ആള്ക്കൂട്ടത്തിനിടയിലേക്ക് കാർ ഓടിച്ചുകയറ്റിയ സംഭവം ഭീകരാക്രമണമെന്ന് പൊലീസ് സ്ഥിരീകരിച്ചു.
വ്യാഴാഴ്ച രാവിലെ ഹീറ്റൺ പാർക്ക് ഹീബ്രു കോൺഗ്രിഗേഷൻ സിനഗോഗിൽ ഒരാൾ കാർ ഇടിച്ചുകയറ്റുകയും ആരാധകരെ കുത്തിക്കൊല്ലുകയും ചെയ്തു.
ആള്ക്കൂട്ടത്തിനിടെയിലേക്ക് കാർ ഓടിച്ച് കയറ്റിയ ശേഷം ആരാധനാലയത്തിലേക്ക് കയറാൻ ശ്രമിച്ച പ്രതിയെ ആളുകള് തടയുകയായിരുന്നു.
ആക്രമണത്തിന് പിന്നാലെ വെടിവെച്ചുകൊന്ന പ്രതിയുടെ ശരീരത്തിൽ സ്ഫോടക വസ്തുക്കള് ഘടിപ്പിച്ചിരുന്നുവെന്നും പൊലീസ് വ്യക്തമാക്കി.
"കട്ടിയുള്ള ഒരു വസ്ത്രം" ധരിച്ച് അതിൽ നിന്ന് ചില വസ്തുക്കൾ തൂക്കിയിട്ടിരിക്കുന്ന ഒരാളെ പോലീസ് കണ്ടെത്തി, തുടര്ന്ന് അക്രമിയെന്ന് സംശയിക്കുന്നയാളെ സായുധ പോലീസ് നേരിടുന്നതും പിന്നീട് വെടിവയ്ക്കുന്നതും ഫോട്ടോകളിലും വീഡിയോകളിലും കാണിച്ചു. ബോംബ് നിർവീര്യമാക്കാൻ ഒരു റോബോട്ടിനൊപ്പം സൈനികരെയും ഓപ്പറേഷന് വിന്യസിച്ചിട്ടുണ്ട്.
സുരക്ഷയ്ക്കുള്ള അടുത്ത നടപടികളെക്കുറിച്ച് ചർച്ച ചെയ്യുന്ന അടിയന്തര കോബ്ര യോഗത്തിൽ അധ്യക്ഷത വഹിക്കാൻ പ്രധാനമന്ത്രി സർ കെയർ സ്റ്റാർമർ വിദേശ യാത്ര വെട്ടിച്ചുരുക്കി യുകെയിലേക്ക് മടങ്ങി.
ആക്രമണത്തെത്തുടർന്ന് രാജ്യത്തുടനീളമുള്ള സിനഗോഗുകളിൽ "കൂടുതൽ പോലീസ് സേനയെ" വിന്യസിക്കുമെന്ന് സർ കെയർ സ്റ്റാർമർ പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.