അമ്മയാകാനൊരുങ്ങുന്ന സന്തോഷവാർത്ത പങ്കുവച്ച് ബോളിവുഡ് നടി കത്രീന കൈഫ്. നിറവയറുമായി ഭർത്താവും നടനുമായ വിക്കി കൗശലിനൊപ്പം നിൽക്കുന്ന ചിത്രമാണ് 42കാരിയായ താരം ഇൻസ്റ്റാഗ്രാമിൽ പങ്കുവച്ചിരിക്കുന്നത്.
'സന്തോഷവും നന്ദിയും നിറഞ്ഞ ഹൃദയങ്ങളോടെ ജീവിതത്തിലെ ഏറ്റവും മികച്ച അദ്ധ്യായം ആരംഭിക്കാനുള്ള യാത്രയിൽ'- എന്ന കുറിപ്പോടെയാണ് ചിത്രം പങ്കുവച്ചിരിക്കുന്നത്.
നിരവധിപേരാണ് താരദമ്പതിമാർക്ക് അഭിനന്ദനം അറിയിച്ചുകൊണ്ടുള്ള കമന്റുകളിട്ടിരിക്കുന്നത്. വർഷങ്ങൾ നീണ്ട പ്രണയത്തിനൊടുവിലാണ് വിക്കി കൗശലും കത്രീനാ കൈഫും 2021 ഡിസംബറിൽ വിവാഹിതരായത്.
കത്രീന ഗർഭിണിയാണെന്ന തരത്തിൽ നേരത്തെയും വാർത്തകൾ പ്രചരിച്ചിരുന്നെങ്കിലും താരദമ്പതികൾ ഇതിനോട് പ്രതികരിച്ചിരുന്നില്ല.
കഴിഞ്ഞദിവസം കത്രീന പുറത്തുവിട്ട ചിത്രവും താരം ഗർഭിണിയാണെന്ന അഭ്യൂഹം ശക്തമാക്കിയിരുന്നു. ഫോട്ടോഷൂട്ടിന്റെ ചിത്രമാണ് കത്രീന പങ്കുവച്ചിരിക്കുന്നത്. പരസ്യത്തിന്റെയോ മറ്റോ 'ബിഹൈൻഡ് ദി സീൻ' ചിത്രമാണ് സമൂഹമാദ്ധ്യമങ്ങളിലൂടെ പുറത്തുവിട്ടിരിക്കുന്നത്. മെറൂൺ നിറത്തിലുള്ള ഗൗൺ ആണ് കത്രീന ധരിച്ചിരിക്കുന്നത്. ഗർഭിണിയെന്ന് തോന്നുംവിധത്തിലാണ് കത്രീന ചിത്രത്തിലുള്ളത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.