ബി.വി.എസ് സംസ്ഥാന സമ്മേളനത്തിന് പാലായിൽ തുടക്കമായി

പാലാ. ഭാരതീയ വേലൻ സൊസൈറ്റി ( ബി.വി.എസ്) 51-ാം സംസ്ഥാന സമ്മേളനത്തിന് പാലായിൽ തുടക്കമായി.

ഉച്ചകഴിഞ്ഞ് നാലു മണിയ്ക്ക് സമ്മേളന നഗറിൽ സംസ്ഥാന പ്രസിഡൻ്റ് രാജീവ് നെല്ലിക്കുന്നേൽ പതാക ഉയർത്തി.  ജനറൽ സെക്രട്ടറി സുരേഷ് മൈലാട്ടുപാറ, രക്ഷാധികാരി പി.ആർ ശിവരാജൻ , ട്രഷറർ റ്റി.എൻ. നന്ദപ്പൻ, ഭാരവാഹികളായ എൻ. എസ്. കുഞ്ഞുമോൻ,ബിജു മോൻ കെ.എസ് , വിജയ് ബാലകൃഷ്ണൻ, എ.വി. മനോജ്,

സജി. സി.എം , എം.എസ് ചന്ദ്രൻ, അനിൽ കുമാർ റ്റി.ആർ , മഹിള സമാജം സംസ്ഥാന പ്രസിഡന്റ് അനിത രാജു, ബി.വി.വൈ.എം സംസ്ഥാന പ്രസിഡന്റ് ശരത്കുമാർ പി.എസ്, പി.വി. പ്രസന്നൻ, പി.പി. ബിനോയി, ഡി സുരേഷ്, കെ.പി.ദിവാകരൻ കോമളവല്ലി നന്ദപ്പൻ, തുടങ്ങിയവർ പങ്കെടുത്തു.തുടർന്ന് സംസ്ഥാന എക്സിക്യൂട്ടിവ് നടന്നു.

ഞായറാഴ്ച്ച രാവിലെ 9 30 ന് പാലാ ടൗൺ ഹാളിൽ ( രാഘവൻ ശാസ്ത്രി നഗറിൽ ) നടക്കുന്ന പൊതുസമ്മേളനം ജലവിഭവ വകുപ്പുമന്ത്രി റോഷി അഗസ്റ്റിൻ ഉദ്ഘാടനം ചെയ്യും.  ബി.വി.എസ് പ്രസിഡൻ്റ് രാജീവ് നെല്ലിക്കുന്നേൽ അദ്ധ്യക്ഷത വഹിക്കും.

ജോസ് കെ മാണി എം.പി മുഖ്യ പ്രഭാഷണം നടത്തും, മാണി.സി. കാപ്പൻ എം.എൽ എ മുഖ്യാതിഥി ആയിരിക്കും ,  മുൻസിപ്പൽ ചെയർമാൻ തോമസ് പീറ്റർ വിവിധ രംഗങ്ങളിൽ മികവു പുലർത്തിയ പ്രതിഭകളെ ആദരിക്കും . 

രക്ഷാധികാരി പി.ആർ. ശിവരാജൻ , കെ.വി. ഇ.എസ്. ജനറൽ സെക്രട്ടറി ജോഷി പരമേശ്വരൻ തുടങ്ങിയവർ പ്രസംഗിക്കും.11.30 ന് നടക്കുന്ന പ്രതിനിധി സമ്മേളനം മോൻസ് ജോസഫ് എം.എൽ.എ ഉദ്ഘാടനം ചെയ്യും.തുടർന്ന് പൊതു ചർച്ചയും തെരഞ്ഞെടുപ്പും നടക്കും.