എടപ്പാൾ : പേവിഷബാധ (റാബീസ്) എന്ന മാരക രോഗത്തെക്കുറിച്ചുള്ള അവബോധം നൽകുന്നതിൻ്റെ പ്രാധാന്യം ഉയർത്തിപ്പിടിച്ച്, ലോക റാബീസ് ദിനാചരണത്തോടനുബന്ധിച്ച് വട്ടംകുളം സിപിഎൻ യുപി സ്കൂളിൽ ബോധവൽക്കരണ ശില്പശാല സംഘടിപ്പിച്ചു. വട്ടംകുളം മൃഗാശുപത്രിയുടെ സഹകരണത്തോടെയായിരുന്നു പരിപാടി.
വട്ടംകുളം പഞ്ചായത്ത് പ്രസിഡണ്ട് എം.എ. നജീബ് ശില്പശാല ഉദ്ഘാടനം ചെയ്തു. ഇന്ത്യൻ വെറ്റിനറി അസോസിയേഷൻ കേരള സെക്രട്ടറി ഡോക്ടർ വി.കെ.പി. മോഹൻകുമാർ റാബീസിനെക്കുറിച്ചും പ്രതിരോധ മാർഗ്ഗങ്ങളെക്കുറിച്ചും വിശദമായ ക്ലാസുകൾ എടുത്തു. ജന്തുജന്യ രോഗങ്ങളെക്കുറിച്ച് നടന്ന ചർച്ചകൾക്ക് വട്ടംകുളം സീനിയർ വെറ്റിനറി സർജൻ ഡോക്ടർ മായ വി.എം. നേതൃത്വം നൽകി.
പി.ടി.എ. പ്രസിഡണ്ട് വി.പി. അനീഷ് അധ്യക്ഷത വഹിച്ച യോഗത്തിൽ പ്രധാന അധ്യാപിക എസ്. സുജാ ബേബി സ്വാഗതവും സ്റ്റാഫ് സെക്രട്ടറി സി. സജി നന്ദിയും പറഞ്ഞു. റാബീസ് എന്ന മഹാമാരിയെ ലോകത്തുനിന്ന് തുടച്ചുനീക്കുന്നതിന് വിദ്യാർത്ഥികളും പൊതുജനങ്ങളും പ്രതിജ്ഞാബദ്ധരായിരിക്കണം എന്നും പരിപാടി ഓർമ്മിപ്പിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.