തൃശൂർ: സഹകരണ സംഘങ്ങളിലെ അഴിമതി തുറന്നുകാട്ടിയതിൻ്റെ പേരിൽ സി.പി.എം. തന്നെ തരംതാഴ്ത്തിയെന്ന് ആരോപിച്ച് പ്രാദേശിക നേതാവ് രംഗത്ത്. സി.പി.എം. നടത്തറ ഈസ്റ്റ് ലോക്കൽ കമ്മിറ്റി അംഗം നിബിൻ ശ്രീനിവാസനാണ് പാർട്ടിക്കെതിരെ ഗുരുതര ആരോപണങ്ങൾ ഉന്നയിച്ചിരിക്കുന്നത്.
ഡി.വൈ.എഫ്.ഐ. ബ്ലോക്ക് കമ്മിറ്റി അംഗം കൂടിയായ നിബിൻ, മണ്ണുത്തി ഏരിയ കമ്മിറ്റിക്ക് കീഴിലുള്ള ആറ് സഹകരണ സംഘങ്ങളിൽ വ്യാപകമായ അഴിമതി നടന്നതായി ആരോപിക്കുന്നു. ഈ വിഷയങ്ങൾ പാർട്ടിയുടെ ശ്രദ്ധയിൽപ്പെടുത്തിയപ്പോൾ, ഏരിയ കമ്മിറ്റി അംഗമായിരുന്ന തന്നെ ലോക്കൽ കമ്മിറ്റിയിലേക്ക് തരംതാഴ്ത്തുകയായിരുന്നുവെന്ന് നിബിൻ പറയുന്നു.
അഴിമതികൾ ചൂണ്ടിക്കാട്ടി സി.പി.എം. സംസ്ഥാന സെക്രട്ടറി എം.വി. ഗോവിന്ദന് നിബിൻ അയച്ച കത്ത് ഇതിനകം പുറത്തുവന്നിട്ടുണ്ട്. അതേസമയം, നിബിനെ തരംതാഴ്ത്തിയിട്ടില്ലെന്ന് സി.പി.എം. മണ്ണുത്തി ഏരിയാ സെക്രട്ടറി എം.എസ്. പ്രദീപ് കുമാർ പ്രതികരിച്ചു.
എസ്.എഫ്.ഐ., ഡി.വൈ.എഫ്.ഐ. തുടങ്ങിയ വിദ്യാർത്ഥി യുവജന സംഘടനകളിലൂടെ സജീവമായി പാർട്ടി രംഗത്തെത്തിയ നേതാവാണ് നിബിൻ ശ്രീനിവാസൻ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.