ശ്രീനാരായണ യൂണിവേഴ്‌സിറ്റിയിൽ ഗുരുദർശന കോഴ്‌സ് തുടങ്ങുന്നു

ആറ്റിങ്ങൽ: ശ്രീനാരായണ ഗുരു ഓപ്പൺ യൂണിവേഴ്‌സിറ്റിയിൽ ശ്രീനാരായണ ഗുരുദർശനങ്ങളെ സംബന്ധിച്ച് യൂണിവേഴ്‌സിറ്റി കോഴ്‌സ് ആരംഭിക്കാൻ തീരുമാനിച്ചു.

ശ്രീനാരായണ ഗുരുവിൻ്റെ ഫിലോസഫിയെ സംബന്ധിച്ചാണ് ഡിപ്ലോമ കോഴ്സ് തുടങ്ങുന്നതെന്ന് യൂണിവേഴ്‌സിറ്റി സിൻഡിക്കേറ്റ് അംഗം അഡ്വ.ജി സുഗുണൻ അറിയിച്ചു. ഇന്ത്യയിൽ ആദ്യമായാണ് ശ്രീനാരായണ തത്വസംഹിതകളെ സംബന്ധിച്ച് ഒരു യൂണി വേഴ്സിറ്റി പഠനകോഴ്‌സ് ആരംഭിക്കുന്നത്.

ഈ അധ്യയന വർഷം തന്നെ ഈ കോഴ്സ് ആരംഭിക്കും. ശ്രീനാരായണ ദർശനങ്ങളെ സംബന്ധിച്ച് വിശദമായ പഠനം ആഗ്രഹി ക്കുന്ന വിദ്യാർത്ഥികൾക്കും, ശ്രീനാരായണ ആദർശ വിശ്വാസികളായ എല്ലാവർക്കും ഈ കോഴ്സ് വളരെ ഗുണകരമായിരിക്കുമെന്ന് അഡ്വ.ജി. സുഗുണൻ പറഞ്ഞു.