അഹമ്മദാബാദ്: പ്രധാനമന്ത്രി നരേന്ദ്രമോദിയുടെ സന്ദര്ശനത്തിന്റെ ആഘോഷത്തിമിര്പ്പിലാണ് ഗുജറാത്തിലെ ഭാവ്നഗര്. ഇവിടെയുള്ള ഒരു സ്വര്ണപ്പണിക്കാരന് മോദിയുടെ ഈ സന്ദര്ശനം തന്റെ ജീവിതത്തിലെ ഒരു അവിസ്മരണീയ മുഹൂര്ത്തമാക്കാനുള്ള ശ്രമത്തിലാണ്. മോദിയുടെ മുഖമുള്ള ഒരു വെള്ളി മോതിരം തീര്ത്ത് വച്ചിരിക്കുകയാണ് ഇദ്ദേഹം. നേരിട്ട് പ്രധാനമന്ത്രിക്ക് അത് സമ്മാനിക്കണമെന്നാണ് അദ്ദേഹത്തിന്റെ മോഹം.
ഭാവ്നഗറില് 34,200 കോടി രൂപയുടെ പദ്ധതികള്ക്കാണ് പ്രധാനമന്ത്രി നരേന്ദ്രമോദി ഇന്ന് തുടക്കം കുറിച്ചത്. ഭാവ്നഗറില് നടന്ന സമുദ്ര സെ സമൃദ്ധി പരിപാടിയിലായിരുന്നു ഇത്. നാം സ്വയം പര്യാപ്തരാകാന് രാജ്യം മുഴുവന് ഒന്നിച്ച് നില്ക്കണമെന്ന് പ്രധാനമന്ത്രി പരിപാടിയില് ആഹ്വാനം ചെയ്തു. ഇന്ന് നമ്മുടെ രാജ്യം വിശ്വബന്ധുവായി പടര്ന്ന് പന്തലിക്കുകയാണ്. നമുക്ക് ശത്രുക്കളില്ല. മറ്റ് രാജ്യങ്ങളോടുള്ള ആശ്രിതത്വമാണ് നമ്മുടെ ഏറ്റവും വലിയ ശത്രുവെന്നും മോദി ചൂണ്ടിക്കാട്ടി. ഈ ശത്രുവിനെ നാം ഒന്നിച്ച് നിന്ന് പരാജയപ്പെടുത്തണമെന്നും മോദി പറഞ്ഞു. അമിതമായ വിദേശ ആശ്രിതത്വം രാജ്യത്തിന്റെ വലിയ പരാജയത്തിന് ഹേതുവാകുമെന്നും അദ്ദേഹം പറഞ്ഞു. നമ്മുടെ നൂറ് കണക്കിന് സങ്കടങ്ങള് ഇല്ലാതാക്കാന് സ്വയം പര്യാപ്ത ഇന്ത്യയിലൂടെ സാധിക്കുമെന്നും മോദി ചൂണ്ടിക്കാട്ടി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.