ഇന്സ്റ്റഗ്രാമില് പത്ത് ലക്ഷം ഫോളോവേഴ്സുള്ള കണ്ടന്റ് ക്രിയേറ്ററാണ് നീലി എന്നറിയപ്പെടുന്ന ഗോപിക കീര്ത്തി. സോഷ്യല് മീഡിയയില് സജീവമാകാന് തുടങ്ങിയ സമയത്ത് തടിച്ച ശരീരപ്രകൃതമുണ്ടായിരുന്ന അവര് പിന്നീട് ട്രാന്സ്ഫര്മേഷന് നടത്തി കൂടുതല് മെലിഞ്ഞിരുന്നു. ഇതുമായി ബന്ധപ്പെട്ട് സോഷ്യല് മീഡിയയില് ആളുകള് കുറിച്ച പരിഹസിക്കുന്ന തരത്തിലുള്ള കമന്റുകള്ക്ക് ഗോപിക മറുപടിയുമായി രംഗത്തെത്തി.
തടിച്ച ശരീരപ്രകൃതമുണ്ടായിരുന്ന തന്നെ വളരെ മോശം കമന്റുകളിലൂടെ വേദനിപ്പിച്ചിരുന്ന അതേ ആളുകള് തന്നെ ഇപ്പോള് അതിന് വിപരീതമായിട്ടാണ് സംസാരിക്കുന്നതെന്ന് ഗോപിക പറയുന്നു. ഇപ്പോഴത്തെ എന്റെ രൂപം കാണുമ്പോള് പഴയ ഗോപികയായിരുന്നു നല്ലതെന്നും ഡയബറ്റീസ് ആണോ അതോ എയ്ഡ്സ് ആണോ എന്നെല്ലാമാണ് ആളുകള് ചോദിക്കുന്നതെന്നും ഗോപിക കൂട്ടിച്ചേര്ക്കുന്നു. ഇത്തരത്തില് കമന്റ് ഇടുന്നവരുടെ മാനസികാവസ്ഥ മനസിലാകുന്നില്ലെന്നും അവര് ഇന്സ്റ്റഗ്രാമില് പങ്കുവെച്ച വീഡിയോയില് പറയുന്നു.
'കമന്റുകള് കണ്ടപ്പോള് ഇങ്ങനെ ഒരു വീഡിയോ ചെയ്യണമെന്ന് തോന്നി. ഞാന് തുടര്ച്ചയായി വീഡിയോ പോസ്റ്റ് ചെയ്ത് തുടങ്ങിയിട്ട് രണ്ട് വര്ഷമേ ആയുള്ളു. ആ സമയത്ത് എന്റെ പ്രൊഫൈലില് ഉണ്ടായിരുന്ന കമന്റുകളില് പലതും പന്നിയുടേയും തക്കാളിയുടേയുമെല്ലാം ഇമോജിയായിരുന്നു. തടിച്ച ശരീരപ്രകൃതമുള്ള ഒരാളെ അപമാനിക്കുന്ന തരത്തിലായിരുന്നു ആ കമന്റുകളെല്ലാം. ശരീരഭാരം കൂടുതലായതിനെ തുടര്ന്ന് മറ്റ് പ്രശ്നങ്ങളും എനിക്കുണ്ടായിരുന്നു.
ഇപ്പോള് ഞാന് വണ്ണമെല്ലാം കുറച്ച് കൂടുതല് മെലിഞ്ഞു. അപ്പോഴും കമന്റുകള്ക്ക് വ്യത്യാസമില്ല. 'പഴയ നീലി ആയിരുന്നു നല്ലത്, പുതിയ നീലി കൊള്ളില്ല', ഡയബറ്റിസ് ആണോ, എയ്ഡ്സ് ആണോ' എന്നെല്ലാമാണ് ഇപ്പോള് ആളുകള് ചോദിക്കുന്നത്. ഈ അസുഖമൊക്കെ വന്നാല് വണ്ണം കുറയുമോ? എനിക്കറിയില്ല. ഞാന് വണ്ണം കൂട്ടുന്നതും കുറയ്ക്കുന്നതുമൊന്നും മറ്റുള്ളവരുടെ പ്രശ്നമല്ല. ആളുകള് ഇത്തരത്തില് പെരുമാറന്നത് എന്താണെന്ന് മനസിലാകുന്നില്ല.
ഇതൊക്കെ ഓരോരുത്തരുടേയും വ്യക്തിപരമായ കാര്യങ്ങളാണ്. ഭാരം കുറയ്ക്കണമെന്ന് തോന്നിയപ്പോള് ഞാന് കുറച്ചു. എന്റെ ഗാള്ബ്ലാഡര് എടുത്തു കളഞ്ഞ സമയത്ത് ആഹാരം ഒന്നും കഴിക്കാന് പറ്റില്ലായിരുന്നു. അങ്ങനെ ഞാന് ആഹാരം കുറച്ച് വണ്ണം കുറഞ്ഞു. ഇനി നിങ്ങള്ക്ക് വണ്ണമുള്ളവരേയാണ് ഇഷ്ടമെങ്കില് അവരെ ഫോളോ ചെയ്യൂ. അവരുടെ വീഡിയോ കാണൂ.
ഞാന് വീഡിയോ ഇടുന്നത് എന്റെയൊരു ഹോബി എന്ന നിലയിലാണ്. വേണമെങ്കില് കാണാം. അല്ലെങ്കില് കാണേണ്ട. അതിനുവേണ്ടി ഇത്രയും വെറുപ്പുളവാക്കുന്ന, മോശം കമന്റുകള് വേണ്ട. മറ്റുള്ളവരെ എന്തെങ്കിലുമൊക്കെ പറഞ്ഞാലേ ചിലര്ക്ക് ഉറക്കം വരുകയുള്ളൂ. വണ്ണം കൂട്ടുന്നതും കുറയ്ക്കുന്നതുമെല്ലാം ഓരോരുത്തരുടേയും ഇഷ്ടമാണ്.'-ഗോപിക വീഡിയോയില് പറയുന്നു
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.