ലണ്ടന്: പലസ്തീന് അനുകൂല ആക്ടിവിസ്റ്റ് ഗ്രൂപ്പായ 'പലസ്തീന് ആക്ഷന്റെ' നിരോധനത്തിനെതിരേ ലണ്ടനില് പ്രതിഷേധിച്ചവര് കൂട്ടത്തോടെ അറസ്റ്റില്. ശനിയാഴ്ച സെന്ട്രല് ലണ്ടനില് പ്രതിഷേധിച്ചവരില് 466 പേരെയാണ് മെട്രോപൊളിറ്റന് പോലീസ് അറസ്റ്റ് ചെയ്തത്.
കറുത്തവസ്ത്രവും കഫിയയും ധരിച്ച് പലസ്തീന് പതാകകളുമായാണ് പ്രതിഷേധക്കാര് ലണ്ടനിലെ പാര്ലമെന്റ് സ്ക്വയറിലെത്തിയത്. പലസ്തീന് ആക്ഷന് പിന്തുണ പ്രഖ്യാപിച്ചും വംശഹത്യയെ എതിര്ത്തും പ്രതിഷേധക്കാര് മുദ്രാവാക്യം മുഴക്കി. പോലീസ് അറസ്റ്റ് നടപടികളിലേക്ക് നീങ്ങിയതോടെ പോലീസ് ഉദ്യോഗസ്ഥര്ക്കെതിരേയും പ്രതിഷേധമുണ്ടായി.
'പലസ്തീന് ആക്ഷന്' നിരോധിച്ചതോടെ സംഘടനയില് അംഗമാകുന്നത് ക്രിമിനല്ക്കുറ്റമായി മാറിയിരിക്കുകയാണ്. ഈ കുറ്റകൃത്യത്തില് ഏര്പ്പെടുന്നവര്ക്ക് 14 വര്ഷം വരെ തടവ് ശിക്ഷയും ലഭിച്ചേക്കാം. അതേസമയം, സംഘടനയെ നിരോധിച്ച സര്ക്കാര് നടപടിക്കെതിരേയുള്ള നിയമപരമായ പോരാട്ടത്തിന് പലസ്തീന് ആക്ഷന് സഹസ്ഥാപക ഹുദ അമ്മോരിക്ക് കഴിഞ്ഞയാഴ്ച അനുമതി ലഭിച്ചിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.