ഒട്ടാവ: കാനഡയില്‍ ഇന്ത്യന്‍ ദമ്പതിമാര്‍ക്കുനേരേ വംശീയാധിക്ഷേപം. വാഹനത്തിന് കേടുപാടുണ്ടാക്കിയത് ചോദ്യംചെയ്തതിനാണ് ഇന്ത്യന്‍ ദമ്പതിമാരെ മൂന്നംഗസംഘം വംശീയമായി അധിക്ഷേപിച്ചത്. ഇതിനുപുറമേ അസഭ്യവര്‍ഷവും നടത്തി. ജൂലായ് 29-ന് നടന്ന സംഭവത്തിന്റെ വീഡിയോ കഴിഞ്ഞദിവസങ്ങളിലാണ് സാമൂഹികമാധ്യമങ്ങളിലൂടെ പുറത്തുവന്നത്.
വാഹനം തട്ടിയതിനെ ദമ്പതിമാര്‍ ചോദ്യംചെയ്തതോടെ പിക്കപ്പ് ട്രക്കില്‍ സഞ്ചരിക്കുകയായിരുന്ന മൂന്ന് യുവാക്കള്‍ ദമ്പതിമാര്‍ക്ക് നേരേ തിരിയുകയായിരുന്നു. വംശീയമായി അധിക്ഷേപിച്ച ഇവര്‍ കൊല്ലുമെന്നും ഭീഷണിപ്പെടുത്തി. ഇതിനുപുറമേയാണ് കേട്ടാലറയ്ക്കുന്ന അശ്ലീല പദപ്രയോഗങ്ങളും നടത്തിയത്.
സംഭവത്തില്‍ 18 വയസ്സുകാരനായ ഒരാളെ അറസ്റ്റ് ചെയ്തതായി പോലീസ് അറിയിച്ചു. വംശീയാക്രമണമാണെന്നാണ് വ്യക്തമാണെങ്കിലും ഇതുസംബന്ധിച്ച് പ്രത്യേക വകുപ്പുകളൊന്നും കനേഡിയന്‍ നിയമത്തിലില്ല. എന്നാല്‍, വംശീയാക്രമണം സംബന്ധിച്ച കാര്യം കോടതിയില്‍ അവതരിപ്പിക്കുമെന്നും പോലീസ് വ്യക്തമാക്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.