രാഹുൽ രാജിവെച്ചത് ധാർമികതയുടെ പേരിൽ എന്ന് സണ്ണി ജോസഫ്,പ്രതിരോധിക്കാൻ വാക്കുകൾ കിട്ടാതെ മാധ്യമങ്ങളുടെ മുൻപിൽ കെപിസിസി പ്രസിഡന്റ്

കൊച്ചി; രാഹുൽ മാങ്കൂട്ടത്തിൽ തികഞ്ഞ ധാർമികതയുടെ പേരിലാണു യൂത്ത് കോൺഗ്രസ് അധ്യക്ഷൻ സ്ഥാനം രാജിവച്ചതെന്നു കെപിസിസി പ്രസിഡന്റ് സണ്ണി ജോസഫ്.

അത് കോൺഗ്രസിന്റെ ആത്മവിശ്വാസം വർധിപ്പിക്കുകയാണ്. സമാന കേസുകളിൽ സിപിഎമ്മും ബിജെപിയും സ്വീകരിക്കാത്ത മാതൃകയാണ് ഇക്കാര്യത്തിൽ കോൺഗ്രസ് പാർട്ടി സ്വീകരിച്ചതെന്നും സണ്ണി ജോസഫ് പറഞ്ഞു.രാഹുൽ രാഷ്ട്രീയ നേതൃത്വത്തിൽനിന്നു മാറിനിൽക്കുന്നത് ആത്മവിശ്വാസം വർധിപ്പിക്കുകയാണ്.

ഇതിനേക്കാൾ ഗുരുതരമായ കേസുകളിൽ ആരോപണവിധേയരായ ആളുകൾ നിയമസഭയിൽ ഉള്ളതുകൊണ്ടാണു രാഹുൽ എംഎൽഎ സ്ഥാനം രാജിവയ്ക്കണമെന്ന് എം.വി.ഗോവിന്ദൻ പോലും ആവശ്യപ്പെടാത്തതെന്നും അദ്ദേഹം പറഞ്ഞു.