ന്യൂഡൽഹി: കഴിഞ്ഞ വർഷം മഹാരാഷ്ട്ര സർക്കാർ ചെയ്തതുപോലെ ഗുജറാത്തിന്റെ 'രാജ്യ മാതാവാ'യി പശുവിനെ പ്രഖ്യാപിക്കണമെന്ന് സംസ്ഥാനത്ത് നിന്നുള്ള കോൺഗ്രസിന്റെ ഏക എംപി ജെനി ബെൻ നാഗാജി താക്കൂർ.
ഗുജറാത്ത് മുഖ്യമന്ത്രി ഭുപേന്ദ്ര പട്ടേലിന് ഗെനി ബെൻ കത്ത് നൽകി. മൃദു ഹിന്ദുത്വ നിലപാടിന്റെ ഭാഗമായല്ല താൻ ഈ ആവശ്യം ഉന്നയിക്കുന്നത്. ജനങ്ങൾ പശുവിനെ ഗോമാതാവായി പൂജിക്കുന്നതുകൊണ്ടാണ് താൻ ആവശ്യം ഉയർത്തുന്നതെന്നും ജെനി ബെൻ വ്യക്തമാക്കി.
ഗുജറാത്തിന്റെ 'രാജ്യ മാതാവായി' പശുവിനെ പ്രഖ്യാപിക്കണമെന്ന ആവശ്യം ഉന്നയിച്ച് മഹന്ത് ദേവ്നാഥ് ബാപ്പു ഗുജറാത്തിലെ 159 എംപിമാർക്ക് കത്ത് നൽകിയിരുന്നു.
ഈ കത്തിന് മറുപടി ലഭിക്കാത്ത സാഹചര്യത്തിലാണ് മുഖ്യമന്ത്രിക്ക് കത്തെഴുതുന്നതെന്നും കോൺഗ്രസ് എംപി വ്യക്തമാക്കി. 2024 സെപ്റ്റംബറിൽ മഹാരാഷ്ട്ര പശുവിനെ 'രാജ്യമാത ഗോമാത' എന്ന് പ്രഖ്യാപിച്ചിരുന്നു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.