ബാംഗ്ലൂർ : ബെംഗളൂരു നഗരത്തിൽ പത്ത് കോടി രൂപ വിലമതിയ്ക്കുന്ന ലംബോര്ഗിനി കാറിന് ഓടിക്കൊണ്ടിരിക്കെ തീപ്പിടിച്ചു. കന്നഡയിലെ പ്രശസ്ത സോഷ്യൽ മീഡിയ ഇൻഫ്ലുവൻസർ സഞ്ജീവിന്റെ എവന്റഡോർ കാറിനാണ് തീപ്പിടിച്ചത്. സംഭവത്തിന്റെ വീഡിയോ സാമൂഹിക മാധ്യമങ്ങളില് വ്യാപകമായി പ്രചരിക്കുന്നുണ്ട്.
വാഹനത്തിന്റെ പിന്ഭാഗത്തുനിന്ന് തീ ഉയരുന്നതാണ് ദൃശ്യങ്ങളിലുള്ളത്. വെള്ളം, ഫയർ എക്സ്റ്റിംഗ്യൂഷർ, മണൽ തുടങ്ങിയവ ഉപയോഗിച്ച് ആളുകൾ തീ അണയ്ക്കാൻ ശ്രമിക്കുന്നതും വീഡിയോയിലുണ്ട്. ഉടന് തീയണച്ചതിനാൽ വലിയ അപകടം ഒഴിവായി. സംഭവത്തിൽ ആർക്കും പരിക്കേറ്റിട്ടില്ല.
വാഹനം പൂര്ണമായും കത്തി നശിച്ചുവെന്ന അഭ്യൂഹം പടര്ന്നുവെങ്കിലും കാറിന് കാര്യമായ നാശമുണ്ടായിട്ടില്ലെന്ന് സഞ്ജീവ് വ്യക്തമാക്കി. വാഹനപ്രേമിയായ സഞ്ജീവിന് പത്തിലേറെ അത്യാഡംബര കാറുകളുണ്ട്. കഴിഞ്ഞ വര്ഷം മുംബൈയിലും ഓടിക്കൊണ്ടിരിക്കേ ലംബോര്ഗിനിയില് തീപ്പിടിത്തമുണ്ടായിരുന്നു. പുതിയ സംഭവം കൂടിയായതോടെ കാറിന്റെ സുരക്ഷ സംബന്ധിച്ച് സാമൂഹിക മാധ്യമങ്ങളില് വലിയ ചര്ച്ച ആരംഭിച്ചിരിക്കുകയാണ്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.